ADVERTISEMENT

Atleta no Jogadór Sira Iha Esperansa ba Governasaun Foun

Marcos Fernandes - Desportu · Dili
Jornalista : Jaime Pires
Editor : Marcos Fernandes
  • Share
Atleta hosi Federasaun Atletizmu Timor-Leste, Felisberto de Deus

Dili(timorpost.com)—Atleta no jogadór sira deklara, sira iha esperansa ba governu foun ne’ebé mak sei mai ne’e hodi tau matan di’ak liután ba sira nia atividade no responde sira nia preokupasaun.

“Ami nia esperansa, ba governu foun mai mak tenke normaliza ami nia atividade sira no halo atividade barak liután ba ami, inklui kria kondisaun ba ami, ida ne’e mak ami nia esperansa ba governu ida agora atu mai ne’e”, dehan Atleta hosi Federasaun Atletizmu Timor-Leste, Felisberto de Deus, ba Timor Post iha Jináziu Dili, Tersa (23/05/2023).

ADVERTISEMENT
SCROLL FILA BA NOTISIA


Nia aumenta, entaun tanba durante tinan lima ba kotuk ne’e sira sente, menus atividade ba sira hanesan ema atleta no jogadór, tanba ne’e husu ba governu agora mai tenke responde ona sira nia preokupasaun, nune’e desportu iha Timor-Leste tenke avansa ona ba oin hodi duni nasaun sira seluk.

Lee Mós :
Klima Lori Surpreza Ba Turizmu Marobo

Tanba haree ba nasaun sira iha Asian ne’e, ema nia desportu kada tinan sempre hatudu nia mudansa, tanba ema nia governu tau prioridade ba sira kompara Timor-Leste, satan agora tama ona ba iha Asian tenke esforsu ona hodi partisipa eventu ruma prontu ona atu kompete ho sira seluk.

“Tanba atividade desportu kuandu la’o di’ak atleta sira mós treinu ho di’ak no fíziku di’ak no fasilidade ba ami kompletu, ha’u hanoin ita bele kompete ona ho sira, tanba daudaun ne’e ita menus iha buat barak de’it mós ita bele, tanba atu lori desportu hatudu ba nasaun sira seluk ne’e liuhosi atleta sira”, nia hateten.

Lee Mós :
Governu Harii Uma 5 Ba Komité 12 Novembru

Nune’e nia kontinua husu ba governu foin mai ne’e no iha esperansa boot katak, ba tinan oin mai ne’e Desportu Timor-Leste sei halo mudansa signifikativu liuhosi planu governu nian no kria atividade barak liután.

Iha sorin seluk, Jogadór Selesaun Nasionál Timor-Leste, Mouzinho Barreto, dehan governu foun planu foun sei halo dezenvolvimentu foun ba atividade desportu liu-liu futeból iha rai laran sei di’ak liután hodi hamorin Timor-Leste nian naran iha internasionál liuhosi jogu.

“Ha’u nia esperansa governu foun mai ne’e sei lori nia planu foun ba iha area desportu ninian, espesiál ba iha futeból no kria liga barak liután inklui dezenvolve liután Liga Timorense, nune’e bele produz jogadór sira ne’ebé di’ak no kualidade”, nia dehan.

Lee Mós :
Jogadór Paulo Gally Sei Joga Iha Klube Entre España ou Portugál

“Ita hare atividade futeból liu-liu liga la la’o ho di’ak, governu mós laiha planu ida ne’ebé mak di’ak nia impaktu ne’e ba jogadór sira reforsa selesaun nasionál hatudu prestasaun ladún di’ak tanba menus atividade ba ami, entaun saida mak ita tenke halo mak tau planu di’ak no prepara infraestrutura di’ak ba desportu”, nia hakotu.

 912 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Atleta no Jogadór Sira Iha Esperansa ba Governa…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No