ADVERTISEMENT

Proteje Biodiversidade, Governu Kuda Ai-Parapa iha Tasi-ibun Ataúru

Mario da Costa - Atauro
Reportajen : Cesasario de Souza
Editor : Mário da Costa
  • Share
Lansamentu Kuda Ai-magrove iha tasi-ibun Beloi Ataúru, Imajen TP/Cesário de Souza

ATAÚRU (timorpost.com) – Atu proteje Biodiversidade, Governu Kuda Ai-parapa iha Suku Beloi, Munisípiu Ataúru, hanesan kontinuasaun husi atividade Festivál múzika no kultura nian.

Xefe Suku Beloi, Adão da Costa Nunes, hatete hanesan autoridade lokál sente kontente tanba Governu iha planu di’ak atu proteje rai maran sira iha tasi ibun. Aktividade kuda ai-mangrove ne’e hola parte mós iha polítika autoridade Munisípiu Atauru nian hodi oinsá proteje biodiversidade no kuidadu tasi Atauru nu’udar tasi potensialidade liu ba turizmu.

ADVERTISEMENT
SCROLL FILA BA NOTISIA

“Ami sei hamutuk ho komunidade sira kuidadu no tau matan ba ai-mangrove ne’ebé kuda ona tanba ne’e hanesan garantia ida ba ami-nia jerasaun futuru,” nia hateten iha fatin kuda aí-mangrove, Kinta (24/11).

Nia dehan, sira rasik ho inisiativa kuda ona ai-mangrove iha tasi ibun, maibé rezultadu ladi’ak tanba, viveiru sira ne’e susar loos.

Lee Mós:
Juventude Rezisténsia Konsidera Governu Laiha Preparasaun ba Komemorasaun Loron Konsulta Populár

Nune’e mós, Ministru Koordenadór Asuntu Ekonomia (MKAE), Joaquim Amaral, hatene programa ne’e hanesan kontinuasaun husi Festivál Muzíka no kultura Ataúru, hodi taka atividade ne’e.

“Husu ba Autoridade tomak no komunidade sira atu proteje ai-magrove hodi nune’e bele tahan rai sira ne’ebé iha tasi ibun, nune’e halo rai Ataúru ne’e bele matak liu tan,” nia hateten, molok atu lansa atividade kuda ai-magrove iha Tasi Ibun Beloi.

Totál ai magrove ne’ebé kuda iha area tasi ibun Beloi ne’e hamutuk hun 615. Hamutuk kuda ai-mangrove ne’e hodi finaliza eventu Festivál Múzika no Kultura ne’ebé realiza iha Munisípiu Atauru.

Eventu kuda ai-mangrove ida ne’e, husu ba autoridade sira iha munisípiu Atauru tomak, no komunidade hotu husi leten to’o kraik atu kuidadu ai-mangrove ida ne’e tanba ida ne’e mak sei proteze Atauru, proteze Timor-Leste nia futuru.

Lee Mós:
Baukau-Oan Okupa Primeiru Lugar Kompetisaun Nani iha Ataúru

“Hanesan ita haree, tasi komesa okupa ba daudauk ona ka abase ba terenu sira ne’ebé iha, se ita lahalo atividade sira adaptasaun no mitigasaun ho modelu kuda ai-mangrove ita sei lakon rai tetuk sira tanba tasi okupa hotu”, nia hateten.

Kuda ai-mangrove ida ne’e hanesan responsabilidade ema hotu nian, tanba ne’e hein katak atividade kuda ai-mangrove ida ne’e bele sai modelu no inspira ba iha grupu no komunidade sira seluk atu kuda iha fatin sira seluk ne’ebé iha tasi ninin, atu nune’e Atauru bele sai matak no sai fatin destinasaun turístiku ida di’ak liu.

“Husu ba imi, ai-mangrove ne’e ami kuda hela, kuidadu no hadomi nia ho fuan atu nune’e bele moris ho buras no hariku liután biodiversidade tasi Atauru,” hateten nia.

Governante ne’e mós subliña atu komunidade hotu-hotu em jerál labele de’it atu esplora rikusoin sira tasi nian maibé tenke halo esforsu oinsá bele kuida no proteze mós tasi no nia biodiversidade sira ho kuda ai-mangrove iha tasi ninin.

Lee Mós:
Vizita Ataúru Problema Dahuluk Mak Bee Moos

Entertantu, iha atividade kuda ai parapa ne’e partisipa husi Ministru Koordenadór Asuntu Ekonomia (MKAE), Joaquim Amaral, Ministru Ensinu Superior, siénsia no Kultura (MSSK), Longuinhos dos Santos, Ministru Turizmu, Komérsiu no Indústria (MTKI), José Lucas do Carmo da Silva, Ministru Transporte no Komunikasaun (MTK), Ministru Obras Públika (MOP), Abel Pires, no seluk tan.

Nune’e mós, partisipa másimu hosi estudante Universitáriu sira hanesan, Universidade da Paz (UNPAZ) no Universidade UNITAL.

 577 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Proteje Biodiversidade, Governu Kuda Ai-Parapa …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: