Dili(timorpost.com) –Xefe Estadu Maior Jenerál FALINTIL Forsa Defeza Timor Leste (F-FDTL), Tenente Jenerál, Domingos Raul “ Falur Rate Laek” hamutuk ho Komandante Jerál Polísia Nasionál Timor Leste (PNTL), Henrique da Costa partisipa abertura apuramentu nasionál 2023 iha salaun Komisaun Nasionál Eleisaun (CNE, sigla portugés), Kuarta (24/05/2023).
Hafoin remata abertura Xefe estadu Maiór Jenerál, informa ba jornalista sira iha salaun CNE, kona-ba seguransa rua ne’ebé antes ne’e destaka hodi asegura eleisaun parlamentár la’o ho susesu.
“Tanba ne’e nu’udar komandante seguransa ba eleisaun parlamentár 2023, ha’u sente kontente tebes”, dehan Maiór Jenerál Falur Rate Laek.
Nune’e mós Jenerál Fitun tolu ne’e hatete, kooperasaun entre forsa rua F-FDTL no PNTL mós la’o kapás no di’ak tebes.
Jenerál Falur mós oras ne’e hasai ona ordem atu retira forsa sira ne’ebé destaka kada munisípiu sira, maibé hein 72 oras bainhira rezultadu eleisaun anunsia ou remata ona.
Nune’e mós Xefe Estadu Maiór Jenerál F-FDTL hato’o Parabéns ba lider polítika hotu, komunidade tomak, juventude no ekipa rua hosi F-FDTL no PNTL ne’ebé servisu hamutuk hodi asegura ba eleisaun parlamentár tinan ne’e.
“Ha’u nia sauda ba imi hotu nia servisu hamutuk hodi asegura eleisaun parlamentár 2023 ne’e la’o ho di’ak”, nia hakotu.
Notísia ne’e Timor Post asesu liuhosi pájina relasaun públiku F-FDTL nian, Kuarta (24/04/2023).
1,778 total views, 3 views today
Bele hare Video Seluk :
Subscribe to Timorpost
