(Reportajen Marcos Fernandes/Editor Mateus da Cruz)
Remexio (Timor Post)—Prosesu votasaun iha iha sentru votasaun Sede Suku Asu Mau no sentru votasaun Beluru, Postu Administrativu Remexio, kandidatu na’in 10 laiha fiskais.
“ami fiskais kandidatu balu iha no balu laiha, fiskais kandidatu sira ne’ebé iha hanesan Fiskais Lú Olo, Isabel Fereira, Armanda Berta dos Santos, José Ramos Horta, Mariano Assanami Sabino, Lere Anan Timur”, dehan Brigada Sentru Votasaun Beluru, Octaviano Baptista Sarmento, ba Timor Post iha Sentru Votasaun Beluru, Sábadu (19/03).
Nia hatete, sentru votasaun ne’e akompaña hosi Fiskais kandidatura sira nian ne’ebé iha, CNE, Polísia no observadór sira no mós akompaña ho votante sira.
“Ami hahú loke sentru votasaun no to’o oras hanesan ne’e, eleitores sira mai vota ho hakmatek, situasaun la’o di’ak, tanba sira ida idak hanoin de’it atu ba vota ba kandidatu ne’ebé maka sira deside tiha ona ne’e”, nia esplika.
Nia dehan, seguransa ba iha sentru votasaun refere estabíl, tanba komunidade , autoridade lokál sira la’o no PNTL kolabora hamutuk hodi votasaun la’o ho di’ak.
797 total views, 3 views today
