DILI, (Timorpost.com)—Diretór Ezekutivu Millennium Challenge Account Timor-Leste, Institutu Públiku (MCA-TL,IP), Embaixadór Constâncio da Conceição Pinto ho ekipa hala’o soru-mutu ho ajénsia governamentál amerikana Millennium Challenge Corporation (MCC) liga ba tratamentu bee fo’er iha kapitál Dili.
Objetivu husi enkontru ne’e mak halo koordenasaun servisu kona-ba House Hold Survey (Survei Umakain) ba Komunidade benefisiáriu husi Projetu Kompaktu iha área Tratamentu Bee Fo’er iha Dili.
“Projetu ne’e liga liu ba oinsá atu tratamentu bee fo’er iha kapitál Dili”. Diretór Ezekutivu (MCA-TL,IP), Embaixadór Constâncio da Conceição Pinto, iha Edifísiu MCA-TL, IP iha Timor Plaza Dili, Tersa , (29/05).
Embaixadór ne’e haktuir, husi totál ne’ebé kalkula ona hamutuk dolar amerikanu millaun 484, dolar amerikanu millaun 420 sei disponibiliza husi MCC, no Governu Timor-Leste sei kontribui ho dolar amerikanu millaun 64.
Ho valór ne’ebé sei disponibiliza husi Timor-Leste sei aloka de’it ba projetu tratamentu bee, ezgotu no drenajen nian, husi osan sira-ne’e dolar amerikanu millaun 34 sei uza hodi halo ligasaun ba uma sira no hodi dezativa fosa ne’ebé iha.
Maibé restu dolar amerikanu millaun 30 sei utiliza hodi apoia instalasaun sistema konvensionál no ba instalasaun bomba bee nian.
Nia dehan , iha dezafiu balun ne’ebé mak governu implementa liu-liu ba iha libertasaun rai iha Bebonuk Mota Komoro, ne’ebé mak destinadu ona ba konstrusaun ba tratamentu be’e fo’er nian.
“No mós iha dezafiu sira seluk hanesan daudaun ne’e, be’e moss ne’e ba família ida-idak ninian, liu-liu iha area investimentu MCC mak area ne’ebé ami bolu vano six nian”.
Projetu ne’e boot tebes, ne’ebé mak MCC investe, la’ós below maibé grand, ne’ebé mak governu Timor-Leste sei la selu fila-fali maibé importante tenke implementa ho susesu nia prosesu rasik.
2,010 total views, 15 views today
Bele hare Video Seluk :
Subscribe to Timorpost
