Dili, (timorpost.com)—Reprezentante Parseiru United Nations Development Programme (UNDP) iha Timor-Leste, Adeline Carrier hasoru malu ho Ministériu Edukasaun ko’alia kona ba planu apoiu ekipamentu eletróniku ba eskola 15 iha munisípiu tolu.
Munisípiu tolu ne’ebé identifika mak hanesan Ainaru, Manatutu no Manufahi.
“Apoiu sira ne’ebé atu fornese mak hanesan komputadór inklui ekipamentu informátika seluk hodi apoiu eskola atu bele iha prosesu aprendizajen kona ba digital learning nian.”. Dehan Reprezentante Rezidénsia UNDP iha Timor-Leste, Adeline Carrier, ba jornalista sira iha Ministériu Edukasaun, Vila-Verde, Sesta (03/05/2024).
Nia haktuir, iha mós diskusaun balun liga ba oinsá ba futuru bele apoiu mós ekipamentu eletróniku seluk ba eskola sira ne’ebé barak liu tékniku vokasionál.
“Kona ba númeru ezatu seidauk bele tanba sei halo uluk lai assessment estudu iha eskola 15 ne’e atu hatene nesesidade eskola nian”. Nia salienta.
Nia haktuir, parseria ne’e hahú tiha ona no agora atu halo estudu ba eskola 15 hodi identifika nesesidade kona ba reabilitasaun ne’ebé tenke halo no fornesimentu ekipamentu informátika no instalasaun eskolár painél nian.
Estudu sei hahú semana tuir mai bainhira UNDP ho ME konkorda ho eskola sira ne’ebé halo estudu ba projetu ida ne’e.
Projetu ne’e UNDP parseria mós ho Ministériu administrasaun Estatál (MAE), Ministériu Saúde (MS), no Ministériu Edukasaun (MS) rasik.
1,203 total views, 9 views today
Bele hare Video Seluk :
Subscribe to Timorpost
