Dili, (timorpost.com)—Embaixada Portugál iha Timor-Leste, Manuela Bairros hasoru malu ho Sekretáriu Estadu Komunikasaun Sosial (SEKOMS), Expedito Dias Ximenes, hodi kolia kona ba komemorasaun aniversariu loron Revolução dos Cravos ba tinan 50 ne’ebe sei monu iha loron 25 Abril 2024.
Sekretáriu Estadu Komunikasaun Sosial (SEKOMS), EXpedito Dias Ximenes, haktuir, 25 Abril koñesidu tebes ho loron Revolução dos Cravos tanba lori liberdade, demokrasia no igualidade mai povu Timor-Leste atu bele determina nia an hanesan nasaun ida.
“25 Abril koñesidu tebes ho loron Revolução dos Cravos tanba lori liberdade, demokrasia no igualidade mai povu Timor-Leste atu bele determina nia an hanesan nasaun ida”. Dehan Expedito Dias Ximenes, ba jornalista sira iha Sala Gabinete SEKOMS, Segunda (23/04/2024).
Expedito, haktuir, iha diskusaun ho Embaixadora Portugal Manuela Bairros, informa mos atividade balu liga ba komemorasaun loron Revolução dos Cravos ne’ebe sei hala’o mak hanesan sei iha konsertu boot ida ne’ebé Timor oan sei kanta, artista 13, grupu santa Cicilia sei kanta ho múzika barak ho lian Portugés, husu atu povu tomak bele partesipa.
“Sei iha konsertu boot iha selebrasaun komemorasaun loron Revolução dos Cravos ba tinan 50 ne’ebe sei monu iha loron 25 Abril 2024. Husu ba komunidade sira atu partesipa”. Expedito informa.
Husi diskusaun ne’e, koalia uitoan liga ba planu estratejiku ne’ebé kooperasaun Portugál ho Timor-Leste iha ambitu lian Portugés oinsá mak bele hanorin lian Portugés iha televizaun, jornál,radio.
“Ita hein katak lian Portugés ne’e hanesan língua ofisiál nasaun ida ne’e nian nafatin dezenvolve atu nune’e sira ne’ebé aprende Portugés bele kolia portuges ho kualidade di’ak liu tan”. Hakotu.
2,037 total views, 6 views today
Bele hare Video Seluk :