Dili,(timorpost.com)— Governu Timor-Leste liuhosi Sekretária Estadu Formasaun Profisionál no Empregu (SEFOPE), haruka tan traballadór timor-oan na’in 30 ba servisu iha Korea Súl iha area peska.
Xefe Gabinete Sekretáriu Estadu Formasaun Profisionál no Empregu (SEFOPE), Jacinto Ribeiro Dias informa, serimónia ne’e hanesan lisan no kultura SEFOPE nian antes haruka traballadór ba servisu iha rai liur.
“Ha’u husu ba ita-boot sira bá servisu kuidadu an. Hatudu nafatin komportamentu ne’ebé di’ak, aprende esperénsia barak atu fila fali mai dezenvolve ita-nia rai. Imi tenke agradese ba oportunidade ida ne’e tanba iha tinan foun ne’e ita-boot sira bele ba servisu iha Korea Súl,”. Jacinto Ribeiro Dias informa, ba jornalista sira iha Salaun Senai, Becora, Kuarta (17/04/2024).
Xefe Gabinete SEFOPE, Jacinto Ribeiro Dias, hatete politikamente estadu nafatin fó konfiansa ba sira katak estadu kontinua tau matan ba sira nia prezensa iha ema nia rai no mós kontinua mantein dixiplina iha ema nia rai hodi servisu tuir akordu ne’ebé halo kooperasaun ho nasaun sira hanesan Korea.
“Ita nia esperansa no nasaun nia esperansa katak nafatin hameno la bele sai husi sistema, sira tenke moris ho sistema, agora sira sai husi sistema ne’e konsekuénsia sira nian ona ne’ebé sira enfrenta rasik, depois ita sei koopera nafatin ho governu Korea atu oinsá bele hare sira no lori sira la’o prosesu ne’ebé di’ak”. Nia haktuir.
Entretantu traballadór ne’ebé ba ona servisu iha Korea husi 2024 totál hamutuk 334 husi totál ida ne’e iha mane 337 no feto 9.
Aleinde ida ne’e Traballadór Natalino da Costa hatutan “Ha’u sente orgullu tanba governu iha hanoin ne’ebé di’ak halo negosiasaun entre nasaun Korea ho Timor ne’ebé fó oportunidade ba joven sira ne’ebé mak hetan oportunidade ida ne’e atu bele ba servisu iha Korea”.
1,128 total views, 6 views today
Bele hare Video Seluk :
Subscribe to Timorpost
