Pastora Afni: Domingo Resurreisaun, Mate Sei La Ukun Jesus Kristus

DILI (timorpost.com)—Pastóra Novelita Silaban Sarmento (Afni), iha omilia ba Domingu resurreisaun hatete, resurreisaun katak Jesus moris hias no manan husi mate.

“Ohin loron kontente, hodi simu Jesus nia moris hias, se Jesus la mate ohin loron ita la iha Maromak nia uma, ida ne’e esperansa boot ida mai ita, ba ema ne’ebé fiar nai Jesus, hodi lembra Jesus nia mate husi moris hias,” haktuir Pastóra Afni Silaban Sarmento, iha Igreja Evangelical Asembleia de Deus (IEAD) Vila-Verde, Domingo (30/03/2024).

SCROLL FILA BA NOTISIA

Pastora ne’e haktuir, buat ne’ebé sai hanesan sentrál ba moris sarani nian iha mistériu Páskua nian hanesan ema fiar nain nian maka Jesus nia mate no moris hias, lori vitória ba mundu tomak, oinsá mak kristaun ida-idak moris ho vitoria.

Lee Mós :

CNE pede aos candidatos a Presidente da República que mantenham estabilidade nacional

“Ohin loron ita hakarak aprende oinsá nu’udar ema fiar sira, Ita bele moris ho vitoria, saida mak ita kaer metin hasoru situasaun ida ne’e, primeiru tenke kaer metin lia los ida ne’e ba ema hotu sei liuhusi mate, tantu ema boot no ki’ik, no ema kiak no ema riku, ema hotu sei mate la iha ema ida dehan ha’u sei la mate,” hateten nian.

Lee Mós :

Membru PNTL Partisipa Treinamentu Orden Públiku

Iha domingu resurreisaun ne’e, liuhusi Maromak nia liafuan, husu ba inan aman no kristaun sira hotu la bele masa bodoh ba ida-idak nia mate, tenke hanoin didi’ak bainhira atu mate, no bainhira mak Maromak bolu, tenke prontu simu no tenke hadi’a ida-idak nia moris

“Ita kristaun ida-idak tenke hatudu fiar katak bainhira ha’u mate loron ida ha’u sei, moris fila-fali, tanba Maromak sei foti ha’u, nune’e mós Maromak nia liafuan seluk mós hatete katak Kristu Nia esperansa sai ba ema hotu, tanba, Jesus mós deklara katak Nia sei Moris hias Fila fali iha loron tolu Nia laran,” nia hateten.

Lee Mós :

PAM satisfeito por programa Cesta Básica motivar agricultores

Pastora nee hateten tan, Jesus nia moris hias garantia ba kristaun ba ema ida-idak ne’ebé hakarak moris hias Fila fali, loron ne’ebé Jesus atu mai fila-fali.

“Ita espera so Jesus de’it, la iha vitoria ida iha mundu ne’e bele hatene katak halo ema ida moris fila-fali. So iha mak Nain Jesus Kristus de’it,” nia hakotu.

3,048 total views, 3 views today

Oinsa Ita nia Reaksaun iha Notisia Nee?