LIKISÁ (timorpost.com)—Komunidade husi Aldeia Raukassa no Pissu Karaik, sub administrative Bazartete Munisipiu Likisa too ohin loron seidauk asesu ba bee mos.
Xefe Suku Lauhata, Daneil dos Santos, informa, daudaun ne’e, Aldeia Raukassa no Pissu Karaik seidauk asesu ba Bee Moos.
“Komunidade aldeia rua nee susar tebes asesu ba bee moos, tanba ne’e husu ba parte Governu atu haree problema ne’ebe komunidade husi aldeia rua ne’e preokupa”. Xefe Suku Lauhata, Daniel dos Santos, ba Timor Post, Segunda (18/09/2023).
Xefe suku ne’e haktuir, Bee moos ne’e importante ba ema hotu iha nesesidade moris loron-loron.
Nia hatutan, populasaun iha Suku Lauhata kuaze posentu 82 mak asesu ona eletrisidade. Ne’e falta komunidade sira ne’e hela dook hosi estrada no eletrisidade mak seidauk asesu. Espera governasaun foun tenke rezolve ona.
Husi mandatu tinan hitu, hahú 2017 to’o 2023 konsege halo buat lubuk mak susesu ona, hanesan, harii pre-eskolár rua, estrada, eletresidade no kanaliza bee moos ba Aldeia balun inklui estabelese Programa Nasionál Dezenvolvimentu Suku (PNDS).
Nia hatete, durante hato’o proposta ba Governu liuhosi Ministériu Obras Públiku (MOP) maibé laiha responde.
Entretantu, Suku Lauhata iha Aldeia Lima hanesan, Caimegulo, Camalehou, Pissu Karik, Pissu Lete no Raucassa ho total populasaun 4.731.
1,437 total views, 9 views today
Bele hare Video Seluk :
Subscribe to Timorpost
