Taur hala’o Hikas Servisu Nu’udar Primeiru Ministru

Jornalista Jaime Pires / Editór Noémio Falcão

DILI (Timor Post)— Primeiru Ministru Taur Matan Ruak hala’o hikas servisu iha rejidénsia ofisiál Farol, Dili hafoin semana rua infetadu moras daet COVID-19 no kumpri auto izolamentu.

Médiku sira identifika Primeiru Ministru hetan virus ne’e bainhira iha loron 25 Agostu 2021 halo teste swab.

Timor Post asesu komunikadu ba imprensa husi Media Gabinete Primeiru Ministru, Tersa (14/09/2021) haktuir, iha loron ne’e Primeiru Ministru hala’o hikas servisu, hafoin loron 16 halo autoizolamentu.

Primeiru Ministru halo hikas teste swab iha loron 10 setembru 2021 hatudu rejultadu negativu. Nune’e médiku sira rekomenda bele hala’o atividade normal.

Durante Xefe Governu infetadu COVID-19, la partisipa reuniaun Konsellu Ministru dala-5.

Durante ne’e Vise Primeiru Ministru José Reis maka asime hela Primeiru Ministru interinu.

 841 total views,  9 views today

Oinsa Ita nia Reaksaun iha Notisia Nee?

You have reacted on “Taur hala’o Hikas Servisu Nu’udar Primeiru Mini…” A few seconds ago

Subscribe to Timorpost

Sorry, there was a YouTube error.