DILI (Timor Post.com)—Asosiasaun Defisiénsia Timor-Leste (ADTL) husu Governu atu kria kondisaun ba Ema ho Defisiénsia (EhD) iha eleisaun suku ne’ebé sei realiza iha 28 Outubru 2023.
Portavós EhD, Rosália Tereza hatete, durante ne’e eleisaun lubuk mak ita hasoru ona, maibé ho situasaun ne’ebé governu kria, laiha kondisaun di’ak ba ema defisiénsia sira.
“Ita hatene katak ema ho defisiénsia iha problema barak tanba ne’e husu governu tau matan ba sira. Husu mós ba STAE no CNE atu kria kondisaun di’ak ba ema ho defisiénsia sira tanba sira mós hanesan sidadaun iha direitu hanesan iha nasaun ne’e”. Nia haktuir ba jornalista sira iha Comoro, Kinta-feira (05/10/2023).
Nia dehan, governu tenke hanoin oinsá bele kria kondisaun ne’ebé dignu ba ema ho defisiénsia, hodi tu’ir eleisaun sira, liuliu eleisaun suku ne’ebé sei realiza iha fulan ne’e.
“Ami hakarak rekomenda kestaun importante sira ba STAE no CNE atu mellora kondisaun fízika iha sentru votasaun sira iha territóriu. Pelu menus iha kondisaun atu ema ho defisiénsia bele ezerse sira-nia direitu ho justu no dignu iha rampa simples ruma, kabina de votu badak tuir kondisaun postura ema nian no fó asisténsia téknika bainhira prezensa iha fatin votasaun”. Hakotu.
918 total views, 3 views today
Bele hare Video Seluk :
Subscribe to Timorpost
