DILI, (Timorpost.com)—Ministru Negósiu Estranjeiru no Kooperasaun (MNEK), Bendito dos Santos Freitas, konfirma konfrontu Timoroan iha Portugal-Fatima iha hela prosesa judisiariu Governu Portugés.
“Kazu ne’e governu Portuguesa prosesu hela”. Haktuir MNEK, Bendito Freitas ba jornalista sira iha Palásiu Prezidensiál Bairru-Pite hafoin remata enkontru Kuarta (12/06).
Governante ne’e haktuir, hafoin identifika kazu ne’e, parte MNEK halo koordenasaun diretamente kedas ho embaixadora Timor-Leste iha Portugál, Israel Guterres no mós embaxadora Timor-Leste nian ba CPLP, Laura Abrantes hodi halo reuniaun.
“Dala ruma ema hanoin MNEK nonook hela, mais pelu kontráriu ami halo koordenasaun direitamente kedas ho embaixadora Timor-Leste iha Portugál CPLP, ami halo reuniaun, oinsá atu tulun joven sira ne’e, no ita embaixadór too kedas iha fatin, hodi ko’alia ho Polisia Judisiáriu Portugal. Ne’ebé buat hotu lao di’ak hotu,”. Hakotu.
414 total views, 9 views today
Bele hare Video Seluk :