DILI (timorpost.com) — Governu liuhusi Sekretáriu Estadu Komunikasaun Sosiál (SEKOMS) sei halo avaliasaun dezempeñu ba lideransa Rádiu Televizaun Timor-Leste Empreza Públiku (RTTL,EP) no Tatoli,IP.
“Ha’u sempre dehan ona katak RTTL ho Tatoli oras ne’e daudaun iha hela prosesu avaliasaun dezempeñu,” Sekretáriu Estadu Komunikasaun Sosiál, Expedito Dias Ximenes, hato’o asuntu ne’e ba jornalista sira iha Palasiu Governu, Kinta (08/02).
Governante ne’e dehan, to’o tempu balu sira nia mandatu sei hotu, kuandu mandatu hotu, sei buka ema ne’ebé komprende no di’ak liu atu bele assume kargu iha instituisaun rua ne’e, Tatoli no RTTL.
Mais prosesu agora la’o hela, parte governu halo hela avaliasaun dezempeñu ba sira nia na’in-rua hotu, prezidente RTTL no prezidente Tatoli, no hein katak iha tempu ruma sei troka ba sira na’in-rua.
Entretantu, Prezidente RTTL,EP, Jose Antonio Belo ‘Taraleu’, simu tomada de pose iha loron 11 fulan Maiu 2021, nu’udar Prezidente RTTL,EP ba períodu 2021-2025.
Nune’e mós, Prezidente Ajénsia Tatoli,IP, Manuel Pinto, simu pose nu’udar Prezidente Tatoli,IP iha loron 1 fulan Fevereiru tinan 2021, ba mandatu tinan haat.
3,273 total views, 3 views today
Bele hare Video Seluk :
Subscribe to Timorpost
