DILI, (Timorpost.com)—Sekretáriu Jerál Partidu FRETILIN, Mari Bim Amude Alkatiri, la marka prezensa, eis Primeiru Ministru, Taur Matan Ruak ho eis Prezidente Repúblika, Francisco Guterres “Lú Olo”, hola parte iha serimónia komemorasaun loron restaurasaun independénsia.
Serimónia loron nasionál restaurasaun independénsia selebra ba dala-22, 20 Maiu 2002 no 20 Maiu 2024 ho temátiku “Hametin Instituisaun Estadu no Servisu Povu”.
“Observasaun Timor Post nian iha Palasiu Prezidensiál iha serimónia selebrasaun restaurasaun independénsia 20 Maiu 2024, lider nasionál balu hanesan Mari Alkatiri, la marka prezensa, enkuantu Taur Matan Ruak ho Francisco Guterres Lú Olo, partisipa iha serimónia nasionál ne’e,” Timor Post hala’o observasaun iha ámbitu serimónia restaurasaun independénsia, ne’ebé realiza iha Palasiu Prezidensiál, Bairru-Pité, Segunda (20/05/2024).
Iha ámbitu selebrasaun 20 Maiu ne’e, kompostu husi membru órgaun soberania haat, ne’ebé kompostu husi Prezidénsia Repúblika, Parlamentu Nasionál, Governu no Tribunal Rekursu. Nune’e mós omólogu internasionál, Sultan Brunei Darussalam.
Nune’e mós Maior Jenerál FALINTIL Forsa Defeza Timor-Leste (F-FDTL), Tenente Jenerál Domingos Raul “Falur Rate Laek”, Komandante Jerál Polisia Nasionál Timor-Leste (PNTL), Komisáriu Polisia Henrique da Costa, veteranu, korpu diplomátiku, inklui povu Timor-Leste.
Entretantu, iha oras dadeer Xefe Governu sei partisipa iha serimónia nasionál isar bandeira nasionál, ne’ebé realiza iha resintu Palasiu Prezidensiál.
Timor Post asesu ajenda husi Portal Palasiu Governu, sita katak 20 Maiu 2024, oras tuku 3:00 lokraik Primeiru Ministru (PM), Kay Rala Xanana Gusmão, sei hala’o enkontru bilateral ho Xefe Estadu Majestade Sultan Haji Hassanal Bolkiah Muizzaddin Waddaulah, iha Palasiu Governu.
Realiza enkontru bilateral ne’e ho objetivu atu diskute kona-ba kooperasaun servisu entre rai-rua iha futuru.
No iha oras tuku tolu loro-kraik, Primeiru Ministru hala’o viajen servisu ba Denpasar Indonézia.
3,267 total views, 3 views today
Bele hare Video Seluk :