Dili(timorpost.com)—Atu rezolve problema emerjénsia ne’ebé akontese iha territóriu tomak, Ministru Obra Públiku, Samuel Marçal, hatete ekipamentu hosi Institutu Jestaun Ekipamentu Institutu Públiku (IGE.IP) la to’o atu kobre ba territóriu hotu.
Ministru Obra Públiku, Samuel Marçal, hatete fatin sira ne’ebé mota sobu sai komunidade nia hela fatin, ida ne’e presiza revolve ho emerjénsia, maibé fó tempu uitoan semana ida rua, atu ekipa tékniku sira ba haree fatin sira ne’e.
“Atendimentu emerjénsia kuaze fatin hotu-hotu, maibé IGE. IP nia ekipamentu mak la to’o atu fahe ba fatin hotu-hotu, tanba ne’e fó tempu ba tékniku sira ba haree tiha lai mak haruka ekipamentu ba hodi halo normalizasaun ba mota ka rai monu taka estrada”, Samuel Marçal, hatete ba jornalista sira, hafoin enkontru ho PM Xanana Gusmão, iha Palásiu Governu, Sesta (09/02).
Atendimentu emerjénsia balu tenke pasiénsia lai semana ida rua hanesan nia parte sei haruka ekipa tékniku ba haree, nia rona hotu ona situasaun sira ne’ebé komunidade husu rezolve emerjénsia maka haruka ekipamentu ba.
Liga ba situasaun emerjénsia ne’e, orsamentu sidauk define loloos, tanba ekipa tékniku sira sei haree ida ne’e ho lalais, fatin sira akontese ne’e la’ós Hera de’it iha fatin barak, iha Obrato Manatutu, Suai, Vikeke no Lospalos, maibé ekipamentu mak la to’o atu haruka ba.
“Ha’u jere hela ekipamentu sira ne’e ba atendimentu emerjénsia ne’e atu hotu-hotu bele responde tuir tempu”, nia dehan.
Aleinde ne’e estrada sira urbana iha Dili laran, iha tempu badak hadi’a tuir tempu nune’e estrada aat sira ne’e tenke hadi’a hotu tiha.
Tanba ne’e nia forma ekipa ida hodi haree no halo avaliasaun, tanba proposta sira tama ne’e kuaze atus ida ona, maibé proposta sira ne’e konsidera hanesan emerjénsia. Balu ne’ebé ladún emerjénsia, iha parte Losplos haree grave duni presiza duni tau atensaun.
3,951 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Ekipamentu IGE. IP La Sufisiente Responde Problema Emerjénsia iha Territoriu Tomak](https://timorpost.com/wp-content/uploads/2024/02/IGE.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)