(Reportajen Jeremias Soares/Editor Mateus da Cruz)
DILI-Kampana loron daruak Kandidatu Prezidente Republika ho numeru sorteiu-14, Jose Manuel Ramos Horta, Kinta ohin halao iha kampu Triloka Baukau, Matéria kampana Kandidatu Prezidente Republika Periodu 2022-2027, José Ramos Horta, foku ba área importante haat.
Materia kampana ne’e maka hanesan Repozisaun Ordem Konstituisional no Ordem Estadu Diretu Demokratiku. Rekuperasaun Ekonómia (post-Covid-19). Kompeténsia Konstituisional Prezidente Republika iha area Defeza, Seguransa no Politika Externa, no ikus liu mak Boa Governasaun no Justisa.
Tuir observasaun iha ohin nian nakonu ho militante no simpatizante husi Partidu CNRT no Partidu sira seluk kuaze rihun rua resin hodi hakonu no harame kampana refere.
Iha kampana ne’e, hetan akompanamentu husi Prezidente Partidu CNRT, Kay Rala Xanana Gusmão ho estrutura Partidu, Prezidente PATIFOR, Gregorio Saldanha, Prezidente Partidu PST, Avelino Coelho, Eis Prezidente Partidu Frente Mudansa, José Luís Guterres (LUGU), Sekretáriu Estadu Veteranu, Gil Oan Soru, no Veteranu Baukau oan balun.
Partisipa masimu husi militante no simpatizante Partidu CNRT, PATIFOR, PST, PSD, UDT, PDC, ASDT, Frente Mudansa no APMT, inklui movimentu sira ne’ebe apoiu Xanana-Horta, kompostu husi MOKATIL, MOTAX, MORAX, Klibur Tane As Obra Maun Boot Kay Rala Xanana Gusmão no Movimentu Rezisténsia Apoiu Komandante Em Xefe Kay Rala Xanana Gusmão.
Entretantu, kampana komisiu ne’e hetan observasaun direta husi observador nasional kompostu husi CNE ho PDHJ no observador Internasional, nune’e mós hetan seguransa masimu husi Polisia Nasional Timor Leste (PNTL) Komandu Baukau, inklui hetan reforsa husi F-FDTL. (Lee notisia seluk iha jornal Timor Post/asesu you tube Timor Post)
779 total views, 3 views today
Bele hare Video Seluk :