MANUFAHI (timorpost.com) — Komunidade suku Liurai, postu administrativu Turiskai, munisipíu Manufahi, preokupa tebes ho projetu konstrusaun no instalasaun liña eletrisidade ba suku Liurai abandona total husi kompañia Dela Unipesoal Lda.
Elio Barboja Rodrigues hatete, kompañia abandona ona serbisu kona-ba instalasaun no konsrusaun eletrisidade ba suku Liurai kuaze fulan haat ona.
“Sim, kompañia abandona serbisu durante fulan haat ona, tanba ne’e ami husi kompañia laiha kbiit atu kaer obra ne’e, di’ak liu entrega fali ba kompañia seluk,” Elio hateten ba Timor Post iha Manufahi, Segunda (10/07).
Nia afirma liután katak, kompañia halo serbisu kle’ur demais, no to’o abandona tan, ba sosa material uitoan, maibé to’o agora nia la ba tiha de’it.
“Kompañia para serbisu nunka fó informasaun mai ami komunidade ho autoridade suku Liurai, ami rasik komunika via telefoni liuhusi nia númeru kontaktu mós nia númeru fora,” nia sublina.
Tuir nia, kompañia aleinde abandona projetu no traballadór na’in-haat ne’ebé halo serbisu iha obra ne’e rasik mós kompañia la selu to’o agora no halo traballadór sira preokupa tebes.
Iha fatin hanesan, Xefe suku Liurai, Gaspar de Araújo, hatete nia parte lamenta tebes ho serbisu ne’ebé kompañia Dela Unipesoal Lda halo tama ba nia suku kle’ur ona no liu tiha tempu kontratu, maibé la finaliza to’o abandona.
“Ami lamenta tebes ho serbisu ne’ebé kompañia abandona serbisu kle’ur ona no to’o oras ne’e kompañia laiha informasaun ba ami,” nia saublina.
Tanba ne’e, husu ba governu liuhusi ministériu relevante atu toma atensaun ba kompañia refere hodi halo despaxu ruma ba kompañia atu husu ninia responsabilidade karik labele fó fali ba ema seluk.
“Projetu ne’e liu tiha ona tempu kontratu, agora tama ona ba tinan ida fulan hitu, bainhira kompañia Dela abandona serbisu ne’e hodi fó mós impaktu ba suku Foholau no Orana labele asesu ahi, maski instalasaun tama ona ba komunidade nia uma,” nia hateten.
To’o informasaun ne’e públika, jornalista Timor Post seidauk halo konfirmasaun ho kompañia Dela Unipesoal Lda.
1,794 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Kompañia Dela Abandona Projetu Instalasaun ba Liña Eletrisidade](https://timorpost.com/wp-content/uploads/2023/07/ahi.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)