TURISKAI-Suku Liu-Rai iha Postu administrative Turiskai sente netik dezenvolvimentu, ho prezensa no sakrifísiu órgaun Planu Nasionál Dezenvolvimentu Suku (PNDS). Suku ne’e sei hetan tan Uma Naroman Ba Povu no inaugura tiha ona eskola ida.
Eskola EBF Liurai iha sala tolu kompostu husi sala aprendizajen rua no sala manorin ida. Eskola ho medida naruk 20,80 luan 8,90 ho totál orsamentu U$.62000 no eskola harii iha tinan 2022.
“Antes ami nia mandatu remata remata, ha’u sei haruka tan uma UNP 12 mai tan”, deklara Ministru Estatál Miguel iha ámbitu inaugurasaun ba edifísiu foun eskola eskola Ensinu Báziku Filial (EBF) Liurai, Segunda (06/03).
Iha ámbitu ne’e, ministru estatál entrega ofisiálmente Uma Naroman Ba Povu (UNP) faze daruak iha suku sanulu 11. no konstrusaun foun eskola Ensinu Báziku Filial (EBF) Liurai liu husi Programa PNDS faze 3 siklu 3, iha postu administrativu Turiskai munisípiu Manufahi.
Iha ambitu seremonia distribuisaun ne’e, Ministru Administrasaun Estatál (MAE) Miguel Pereira hateten, antes oitavu governu ninia mandatu remata iha fulan-Juñu nia laran maibé programa UNP sei nafatin mai.
Tuir Ministru MAE, katak suku Liurai sei hetan tan uma UNP 12 tanba suku ne’e iha aldeia 6 no ba aldeia Manumera sei hetan uma UNP 9. “Ami nia mandatu iha tinan rua ikus ne’e ami bele halo uma rihun 9854″ sita ministru.
Minístru akresenta, populasaun sira seluk iha teritoriu Timor laran tomak barak ne’ebé seidauk hetan uma UNP barak hein hela.
Portantu programa ne’e governasaun ne’ebé mak tuir mai tenke iha kontiniunidade, se sé de’it mak kaer governu atu halakon Fali programa UNP ne’e ulun moras uitoan.
Liu husi programa ne’e rasik aliende benefisia ba komunidade maibé fó serbisu ba Timoroan sira iha tinan kotuk besik rihun 90 no ba tinan ida ne’e besik rihun 70.
Xefe suku Liurai, postu administrativu Turiskai, Gaspar de Araújo agradese ba oitavu governu konstitusionál. Iha okaziaun ne’e, xefe suku sira iha postu administrativu Turiskai busu oitavu governu no governasaun tuir atu nafatin Kontinua programa harii uma UNP.
“Governu foun tuir mai atu kontinua uma UNP ba povu no labele halakon, se bele aumenta tan” nia rekomenda.
Tuir observasaun Timor post nota katak, Partisipa husi Administradór postu Alas, Turiskai, Fatuberliu no Administradór postu Turiskai ne’ebé hanesan uma na’in.
1,207 total views, 3 views today
Bele hare Video Seluk :