Dili (timorpost.com) – Eskola Ensinu Báziku Filial (EBF), 1, 2 Ano Siklu no. 5 Komoro, agora hahú simu Estudante foun ba letivu 2023 nian.
“Ami agora hahú ona rejistu Estudante foun, maibé tenke tinan 6 ba leten, ida ne’e maka ami simu, tanba tama Eskola tenke tinan 6 ba tinan 2023”, Koordenador EBF 1, 2 Ano siklu no. 5 Komoro, Fernando Barreto, hateten iha knaar fatin, Komoro, Sábadu (17/12).
Nia dehan, sira simu Estudante foun, ne’ebé atu remata ne’e iha loron 22 Fulan Dezembru tinan 2022.
Alende ne’e, nia Informa sira atu mai rjistu ne’e lori dokumentu mak hanesan Sertidaun Batizmu ka RDTL tahan ida (1), laiha sira-nia kartaun moris iha ospital no laiha karik bele ba foti deklarasaun iha Suku nian no mós foto koloridu 2×3 tahan ida.
Portantu bainhira sira identifika katak labarik tinan to’o ona. Ida ne’e maka kriteria ne’ebé sira fó ba Komunidade no Estudante sira.
Nia hatete, atu mai rejistu osan laiha, maibé so farda mak iha kada estudante 28 USD.
Nia hatutan, data rejistu ne’e liu ona sira sei haree, se estudante la to’o target, entaun sira sei simu, nune’e mós ema ne’ebé rejistu, se idade liu ona, maibé naran katak sira-nia dokumentus kompletu eskola sei bele simu.
Enkuantu sira-nia tarjeitu ba Estudante kada tinan sira simu estudante hamutuk 350.
“Ami rekomenda ba Komunidade sira katak se mak iha nia oan ka nia família ruma tinan to’o ona 6 ba leten karik bele mai rejistu iha ami-nia Eskola 1, 2 Ano siklu no. 5 Komoro, no ami prontu simu bainhira sira mai rejistu iha area ida ne’e, no mós ami propoin Komunidade ne’ebé besik iha area Suku Komoro”, nia hakotu.
2,232 total views, 3 views today
Bele hare Video Seluk :
Subscribe to Timorpost
