DILI – Ministériu Saúde (MS) liuhosi Diresaun Jerál Unidade Projetu daudauk ne’e halo hela planu atu harii ospitál andar sia (9) iha Hospital Antonio Carvalho Lahane, ne’ebé sei hala’o iha tinan 2024.
“Husi parte diresaun ne’e atu informa kona-ba progresu ita sei harii projetu iha Hospital Antonio Carvalho Lahane andar 9, ne’ebé sei uza Orsamentu Jerál Estadu tinan 2024 nian,” Diretór Jerál Unidade Projetu iha Ministériu Saúde, Vitor Soares Martins hateten iha knaar fatin, Kinta (16/11).
Nia esplika, ba dezeñu detallu sira halo tiha ona iha tinan 2022, depois halo submisaun ba iha AND hodi halo verifikasaun ba prosesu dezeñu, ne’ebé produs ona.
“Ita Propoin orsamentu ba iha konstrusaun Antonio Carvalho Lahane ne’e ba Orsamentu Jerál Estadu tinan 2024. Maibé atu hatete katak ba tratamentu hanesan bainhira ita iha ona konstrusaun ba iha Hospital Antonio Carvalho, ne’e espesialidade saida mak ita atu tau iha ne’ebá, primeiru mak kardia no hemoderizi nian”, nia esplika.
Tuir orientasaun Governnante katak di’ak liu espasu mak Hospital Antonio Carvalho. Se iha orientasaun hanesan ne’e ona, teknikamente ekipa halo prosesu preprasaun. Ne’ebé espera tinan oin mai iha orsamentu hodi bele hahú ona konstrusaun.
“Espera katak tinan 2024 bele iha ona konstrusaun ita iha ona Sentru Kardiaka hodi atende ita nia pasiente sira ne’ebe la iha nesesidade. No parte seluk, Ita bele hare katak ita nia numeru referal pasiente ba rai liur barak liu maka liga Kankru no Kardiologia nian”, nia hateten.
Tanba ne’e, iha Nonu Governu liuhosi MS bele dehan katak sei eziste kontinua Oitavu Governu nian, nune’e iha esperansa katak iha sentru di’ak ida hodi bele atende pasiente maluk sira.
Maibé nia hanoin katak depois verifikasaun sira sei bele fó informasaun orsamentu hira maka bele Konsidera ba iha konstrusaun refere. Nune’e espera katak tinan 2024 bele preve hodi bele halo konstrusaun atu atende pasiente sira liga ho moras kankru no Kardiaku nian
Diretór informa, iha tempu badak ekipa vefikador sira sei ba vitiza kompañia sira husi Nasaun Singapura, Indonezia no Malazia hodi haree nune’e bele hetan vensedor ba instalasaun ba sentru kardiaku no ekipamentu.
2,024 total views, 3 views today
Bele hare Video Seluk :
Subscribe to Timorpost
