ADVERTISEMENT

OMS Kontratu Médiku Na’in 30 Distribui Abate iha Kada Suku

Mateus da Cruz - Dili · Saude
Jornalista : Estajiadu Jacinto Caet
Editor : Mateus da Cruz
  • Share
Diretora Servisu Saúde Munisípiu Dili, Agostinha Segurado, Imajen TP/Ermelinda Caet

DILI—Hahú hosi fulan Janeiru to’o Marsu tinan 2023, Saúde Munisípiu Dili (SMD), rejista kazu dengue hamutuk 274 no kazu mortalidade rua. Atu prevene numeru moras ne’e labele sa’e, Organizasaun Mundial Saude (OMS), kontratu mediku na’in 30 hodi distribui aimoruk abate iha kada suku iha Dili laran.

“Kazu dengue kontinua aas iha Munisípiu Dili, hahú iha Janeiru to’o horisehik ita iha 274 no kazu mortalidade rua”, informa Diretora Saúde Munisípiu Dili, Agostinha Segurado, ba Jornalista iha Kaikoli, Segunda (13/03).

ADVERTISEMENT
SCROLL FILA BA NOTISIA


Nia hatete, hosi númeru ne’e, kazu dengue aas iha postu administrative Dom Aleixo, ho populasaun barak liu, kuaze 100 ita kazu dengue no mós iha mortalidade, tuir mai Cristo-Rei hamutuk 52 no ki’ik liu mak Metinaru foin deteta kazu dengue ida. Kazu dengue ne’ebé deteta maioria labarik ho idade 5 to’o 14.

Lee Mós :
LAT Halo Konsolidasaun Partidu FRETILIN Iha Iliomar

Daudaun ne’e saúde Munisípiu Dili nia ekipamentu no mós ai-moruk sufisiente hela maibé problema maka fasilidade liu-liu hena atu falun ai-moruk abate nian.

“Ita ko’alia kona-ba no mós kímiku daudaun ne’e ita sufisiente hela, sei iha falla uitoan mak hena atu falun abate maibé agora daudaun ami esforsu hela falun hela”, nia hatete.

Lee Mós :
Penny Wong : Governu Australia Prontu Apoiu Dezenvolve Ekonomia TL

Alende ne’e nia dehan, Organizasaun Mundiál Saúde (OMS) mós kontratu ona médiku na’in-30 sei koloka tuir suku sira iha Munisípiu Dili atu distribuisaun ba ai-moruk abate ba aldeia ne’ebé tama iha liña mean no kinur.

Iha fatin hanesan, Prezidente Autoridade Munisípiu Dili (PAM), Guilhermina Filomena Saldanha Ribeiro, hatete,
Autoridade Munisípiu Dili (AMD) prepara ekipa task force ida atu nune’e kontrola lixu iha Munisípiu Dili tanba lixu fó impaktu boot ba kazu dengue.

“Ami prepara hela ekipa Task Force ida oinsá servisu hamutuk ho Ministériu Saúde, Organizasaun Saúde Mundiál (OMS), inklui parseiru dezenvolvimentu sira oinsá reforsa atu redús kazu dengue, tanba lixu mós fó impaktu ba ita nia saúde”, nia dehan.

Lee Mós :
Tinan Ida Adezaun TL ba Deklarasaun Fraternidade Humana

Servisu Saúde Munisípiu Dili no Servisu Nasionál Saúde mós fó tan espasu ba sentru saúde Vera-Cruz atu nune’e labarik sira-ne’ebé hetan moras dengue bele baixa iha ne’ebá atu nune’e sira hetan tratamentu.

 1,526 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “OMS Kontratu Médiku Na’in 30 Distribui Ab…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No