ADVERTISEMENT

Foho Tabor Ninia Sabor: Trans-Figurasaun Maromak Oan Nian

Timor Post - Opiniaun · Relijiaun
  • Share
sangsabda.wordpress.com

Ida ne’e, Ha’u nia Oan doben tebes, ne’ebé Ha’u tau domin. Imi rona Nia ba!”

(Reflexaun badak ba domingo II tempo Quaresma:

ADVERTISEMENT
SCROLL FILA BA NOTISIA


Gen. 12,1-4; Sal. 32(33); 2Tim. 1,8-10; Mt. 17, 1-9)

Hosi: Luis Pereira S,J

Kontexto!

Ita iha semana daruak ita nia eskola quaresmal nian. Iha semana kotuk, ita reflete konaba tentasaun Jesus nian iha rai-fuik maran. Jesus, liu tiha loron no kalan 40, halo jejum, orasaun no mortifikasaun, la monu ba tentasaun diabo nian. Agora, ita tama ona ba semana daruak no liturjia domingo ida ne’e, fo hanoin mai ita atu reflete konaba transfigurasaun Jesus nian iha foho Tabor.

Nuné, ita dehan Tabor hahu fo ona ‘sabor’(gosto) Lalehan nian ba discipulo sira ne’ebé reprezenta husi Pedro, Tiago no João. Sabor ne’e hetan ‘bumbu’ husi: rona, obidensia total no radikal ba Maromak.

Ponto 3 ita bele reflete-kontempla iha liturjia domingo ohin nian mak:

  1. Hili atu serbi!!

La kleur tan, ita hakat ba elisaun parlamentar. Ita sei ba hili ita nia ukun-nain sira ne’ebé atu serbi rai no povu ida ne’e/lori povu ba moris diak. Nuné, ita preciza hili ho konsiensia klaru no mós no hili ema ne’ebé lós atu bele serbi ho diak rai doben ida ne’e. Leitura 1º husi Livro Génesis, haktuir mai ita konaba Abraão, núdar modelo fiar nian. Naí Maromak hili nia atu ukun, guia no lori povu ba diak: Terra Prometida. Nia hatan duni ba hili ne’e. Tambá, nia konfia total no tomak iha Naí Maromak.

Nia simu projeto-plano Maromak nian no lao tuir. Maski nia katuas ona, Naí Maromak bolu nia sai husi nia rain no lao ba rai ne’ebé Nai Maromak promete ona ba nia no nia jerasaun sira. Nuné, nia hanorin ita valor sira ne’ebé ita bele banati tuir iha tempo quaresmal ne’e: fiar, perseveransa, konfiansa no esperansa iha Naí Maromak. Nia mak modelo fiar nian no aman fiar nian ba povu Israel no ba ita hotu.

  1. Grasa Maromak nian!

Saun Paulo iha nia karta ba Timótio iha 2º leitura, hatudu mai ita konaba kbít Maromak nian hodi soi ema liu husi Jesus-Kristo. Jesus-Kristo mak halo ema bele manan moris rohan laek. Iha nia no liu husi nia, Maromak tulun ema. Tamba ne’e, tulun Maromak nian ne’e, núdar grasa ida iha pessoa Jesus nian. Konhese Jesus, fiar iha Nia, lao tuir nia hanorin sira sai sasukat atu bele manan grasa Aman Maromak nian. Klean oinsá, ha’u nia relasaun ho Jesus?

  1. Tabor nia sabor!

Leitura 3º husi Saun Mateus haktuir mai ita katak Jesus lori Pedro, Tiago ho João sae ba foho Tabor atu halo orasaun. Iha Tabor nia tutun, Jesus trans-figura-an. Trans-figurasaun ne’e, hahu fo ona SABOR/GOSTO paskua nian: Jesus nia terus, Mate no Moris Hias ba discipulo sira. Nuné, discípulo sira lakoi tun husi ne’ebá. Sira hakarak hela deít ona iha ne’ebá. Foho, iha Testamento Tuan aprezenta núdar fatin enkontro entre ema no Maromak. Fatin ne’ebé Naí Maromak horik ba. Tambá ne’e mak iha ita nia foho sira ne’e, barak mak iha Kruz no estatua.

Iha Tabor, Aman Maromak REVELA/HATUDO nia Oan-Mane nia IDENTIDADE lolós núdar Maromak-Oan iha sasin lei no profeita sira, ne’ebé simboliza husi prezensa Moises no Elias nian. Jesus hatudu ninia-an núdar Maromak-Oan “Messias” ba discipulo sira. Jesus nakfilak-an/tranfigura-an ba MANE-MAKSOIN no Aman Lalehan dehan Ida ne’e, Ha’u nia Oan doben tebes, ne’ebé Ha’u tau domin. Imi rona Nia ba”.

Rona mak attitude fundamental ida iha fiar sarani nian. Rona LIA-FUAN ne’ebé hola isin ema nian. Hamutuk ho Nia, tama iha ‘KALOHAN LULIK’  hodi ‘kontempla, medita no reflete’ Nia oin furak no ‘APAIXONA’ (Jatuh-Cinta)/laran monu ba Nia. Waihira ita laran monu ona ba Nia, fiar iha Nia, neneik no beibeik, ita mós sei trans-figura-an: SER MAIS HUMANO. Tambá ne’e, ita preciza aprende husi Abraão no Paulo. Só nuné deít mak ita bele hananu ho salmista Nai ami hein ita bót laran luak’.

Ita habadak reflexaun ne’e hodi kaer metin lisaun bót balun hanesan tuir mai ne’e: 1). Gloria/Manan labele haketak husi terus-susar/sofrimento, moras/pain bele sai ‘ingredient/bumbu’ ba Vitoria/susesu; 2). Ita preciza husik ita nia ‘quotinidade’ hodi ba ‘foho’ hodi buka no halo enkontro/hasoru malu ho Naí Maromak; 3). Ita preciza trans-figura ita ninia-an, ita nia interioridade hodi fo ‘naroman ka nabilan ba ita an rasik no ba ema seluk; 4). Ita bele koko dau-daun ona sabor/gosto paskua nian, kuando, ita konsegue trans-figura ita nia ‘SER’: interior no exterior’.

Só nuné deít, mak ita bele mós rona Aman Maromak nia lian, lian ida be dehan ba ita: “Ida ne’e, Ha’u nia Oan doben tebes, ne’ebé Ha’u tau domin. Imi rona Nia ba”. Mai ita rona Oan Mane no kontinua ‘KONFORMA-AN’ ho Nia lor-loron, nei-neik no bei-beik liu husi orasaun, jejum no karidade iha tempo eskola quaresmal ne’e. Atu nuné, ita bele ‘trans-figura-an’ iha ita nia foho ‘Tabor oan sira’ hodi sai ema foun katak ema ne’ebé lao ba diresaun Maromak nian hodi koko dau-daun sabor/gostu paskua nian. Amen!(lupersj)

(Hakerek nain Jesuita, hela iha Monserrat-Kasait, Liquiçá no Full-time lecturer iha Instituto São João de Brito (ISJB), Kasait-Liquiçá!)

 2,262 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Foho Tabor Ninia Sabor: Trans-Figurasaun Maroma…” A few seconds ago
Lee Mós :
Advento Mak Tempo Haklean Fiar, Habót Domin No Hametin Esperansa Hodi Simu Maksoin Nia Mai

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No