ADVERTISEMENT

Komunidade Surikmas Selebra Aniversáriu Santu Arcanjo Na’in-Tolu

Mario da Costa - Relijiaun
Jornalista : José Caet
Editor : Mário da Costa
  • Share
Komunidade Surikmas selebra Aniversáriu Santu Miguel Arcanjo, Rafael no Gabriel, Imajen TP/José Caet.

DILI (timorpost.com) – Komunidade Surikmas antusiazmu selebra aniversáriu santu na’in-tolu, kompostu hosi Santu Miguel, Gabriel no Rafael.

Padre Selebrante Mariano Maia, iha ninia omilia esplika uitoan kona-ba lala’ok, santu na’in-tolu nian, ne’ebé espesiál liu ba santu sira hotu iha lalehan.

ADVERTISEMENT
SCROLL FILA BA NOTISIA


“Ohin ita selebra Santu Arcanjo na’in-tolu sira nia festa, são Miguel Arcanjo, são Gabriel no são Rafael,” Timor Post asesu omilia ne’e iha misa, Kinta kalan (29/09).

Santo na’in-tolu nu’udár Santu ne’ebé espesiál liu, tan ne’e mak hanaran ARCANJO, Arcanjo hanesan mensajeiru ida, ne’ebé lori mensajen, lori ksolok no lori lia-fuan di’ak Maromak nian.

Lee Mós :
Imaculada Kontente Kanta Salmo iha Santa Misa Tasi-tolu

Arcanjo na’in-tolu ne’e, nu’udár Anju prinsipál, ne’ebé servi Anju sira hotu iha lalehan, hodi hala’o kna’ar no dada ema nia moris hosi nakukun laran.

Nune’e mós, Santu Miguel Arcanjo, nu’udár Santu ne’ebé haraik-aan, laiha razaun atu foti aan hanesan Maromak. Tan ne’e hanorin sarani sira hotu, atu bele abitua ho atitude haraik-aan.

Santu Gabriel, nu’udár padroiru ba eskolante sira, traballador sira no operador telefonika sira.

Santu Rafael, hanesan medisina Maromak nian, tan ne’e, Santu Rafael nu’udár mahein ba defisiensia matan, mediku, soldadu no eskuteiru.

Iha fatin hanesan, Xefe Sentru Pastoral Santu Miguel Arcanjo Igreja Surikmas, Dino da Silva, hatete komunidade bairu sia iha area Surikmas selebra aniversariu Mahein Santu Miguel Arcanjo, ba dala-ualu.

Lee Mós :
PÁSCOA: HATUDU O NIA FURAK BA!

“Ohin loron são Miguel Arcanjo ninian, ami husu atu selebra ho misa hodi husu agradesimentu ba na’i-maromak”, nia hateten.

Xefe Sentru ne’e esplika, komunidade kompostu hosi bairu-sia, selebra aniversáriu Santu Miguel Arcanjo, ho atividade Spiritual, desportivu no muzika.

Atividade Spiritual, rejista família (Sarani) hamutuk na’in-25 atu kaben, primeiru komunaun kuaze 50 resin no fó sarani ba labarik sira.

Atividade desportiva, atu hametin amizade iha sentru Surikmas, halo kompetisaun ba labarik sira liuhosi halai-karon, dada-tali, tata-krupuk, tata-berlindus, halo solo vokal, poezia.

Lee Mós :
Komunidade Mausiga Sei Moris Iha Nakukun Laran

Ohin kalan (Kinta), halo konfraternizasaun hamutuk ho Padre Paroku Parokia Igreja Santu António Motael, Guilhermino da Silva no Padre Selebrante Domingos Maia.

Selebrasaun festeza ne’e, hetán kontribuisaun hosi komunidade sira, ne’ebé kompostu hosi bairu-sia.

Hafoin remata misa agradesimentu, Padre Paroku Parokia Igreja Santu António Motael, Guilhermino da Silva, lansa konstrusaun fatin reza nian.

Iha lansamentu ne’e hetán akompaña hosi Vise-Ministru Interior António Armindo, Deputadu Gabriel Soares, inklui komunidade sira iha area Surikmas.

 1,785 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komunidade Surikmas Selebra Aniversáriu Santu A…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No