ADVERTISEMENT

Aihan Moris Tun Husi Lalehan “Ne’e Ha’u nia Isin Saran Ba Mate Tan Imi, Ne’e Ha’u Nia Ran Aliansa Foun Nian”

Timor Post - Relijiaun
  • Share
Amu Papa Francisco, Imajen: Espesial

(Festa Solenidade Kristo nia Isin no Ran. Gn. 15,18-20;Sal. 109(110); 1Cor. 11, 23-26; Lc. 9, 11-17)

Husi: Luis Pereira, SJ

ADVERTISEMENT
SCROLL FILA BA NOTISIA

Semana ida ne’e, ita selebra Festa Kristo nia Futar Isin no Ran/Santíssimo Corpo e Sangue de Cristo. Festa ida ne’e, hahu iha sékulo XIII (1264) husi Papa Urbano IV núdar forma ida atu fo sasin konaba prezensa real no konkreta Jesus-Kristo nian iha Eukaristia. Tan ne’e, ita hetan konvite atu fo importansia ba Eukaristia ne’ebé habokur ita nia isin no klamar. Nia fo sentido ba ita nia moris.

Ita han atu konserva ita nia moris. Kuaze lor-loron ita han paun. Paun mak hahan universal ida. Hahan ne’ebé mai husi rai. Hahan povu nian iha rai-fuik maran: ázimos, maná durante tinan 40 iha diresaun ba ‘terra prometida’. Nuné, hahan isin lolón nian ida. Maibé, ita preciza mós hahan ida ne’ebé fo brani/korazen, perseveransa no seguransa ba ita nia moris. Ita iha necesidade ba paun ida ne’ebé bele fo forsa ba ita an atu tahan terus no susar sira ne’ebé existe iha ita nia moris lor-loron nian.  Jesus mak ita nia paun moris nian ne’ebé sustenta, habokur, haforsa ita iha ita nia viazen iha lao rai ba Lalehan (terra prometida iha testamento foun). Nia mak garantia no seguransa ba ita nia moris rohan laek nian. Tan ne’e, ita simu nia iha Eukaristia.

Lee Mós:
Profeta Amos, Crítica Social - Política No Religião, Mensagem Moral Ba Nação

Iha Kinta-Feira Santa, ita aprende katak Jesus molok tama ba nia mistério paskua nian: terus, mate no moris hias, nia harí ona Eukaristia liu husi han kalan ikus hamutuk ho nia eskolante sira hanesan haktuir iha textos evanjelho sira.

Iha Saun Markus hatudu mai ita konaba preparasaun ‘Última Ceia nian’. Jesus haruka nia discípulo rua  ba uluk atu halo preparasaun sira ba celebrasaun ne’e. Celebrasaun ne’e núdar memória libertasaun ida husi rai eskravidaun/atan nian ba rai libertasaun total. Iha Ceia Paskal ne’e, Jesus halo pasazen  husi Testamento Tuan ba Testamento Foun ou husi aliansa tuan ba aliansa foun ho nia isin no nia ran rasik. Nia foti paun, fo bensa dehan: “Imi simu ba, ne’e ha’u nia Isin. Tuir mai nia halo hanesan ba Calis hodi dehan: “Ne’e ha’u nia Ran, Ran moruk foun nian ne’ebé sei nakfakar tamba ema lubun bót”. Iha evanjelho Lucas haktuir Jesus simu paun fuan 5 no ikan 2 hodi foti matan ba Lalehan hamulak. Jesus FO liu husi paun no tua ne’ebé sai nia isin rasik. Eukaristia mak prezensa real Jesus-Kristo nian. Ita preciza deít FIAR ho naroman Espírito Santo nian atu bele moris iha realidade ida ne’e.

Lee Mós:
Parókia Bekora Selebra Aniversáriu São Tiago ba Da-37

Teolojikamente koalia, wainhira ita selebra Eukaristia, ita hatudu ita nia hakarak atu participa iha mistério paskal Kristo nian. Nuné, kada selebrasaun eukaristika mak ita halo ‘memorial’ ida. Memorial saidá?

  1. Memória Ultima-Ceia/Han kalan Ikus liu!
Lee Mós:
Governu Tenke Buka Hatene Konstrusaun Igreja Ai-mutin

Ita halo memória ba Jesus nia han kalan ikus ho nia discípulo sira. Han kalan ikus hanesan ‘sinal profetiku ida’ ne’ebé realiza iha vespra Jesus nia terus, mate no moris hias (evento fundador). Hanesan mós pasazem povu Israel nian iha tasi  no han kalan iha vespra iha Egipto (paskua judaica). Nuné, iha han kalan ikus ne’e, profetikamente, Jesus anunsia no tama ona ba nia terus, mate no moris hias, liu husi sinal mediasaun paun no tua. Iha Paun no Tua, nia halo memória ida. Tamba ne’e, Ultima-Ceia ho Jesus nia terus, mate no moris hias mak eventu rua ne’ebé la bele haketak malu (sinal profetiku no evento fundador).

 577 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Aihan Moris Tun Husi Lalehan “Ne’e Ha’u nia Isi…” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: