ADVERTISEMENT

Tribunal Rekursu Absolve Kazu Antonio “Kalohan”

Liduway Xavier - Justisa · Lei no Justisa · Nasionál · Polítika
Jornalista : Beatriz Belo
Editor : Hermenegildo da C. Tilman
  • Share
António da Conceição KALOHAN

DILI, (timorpost.com)—Tribunal Rekursu (TR), absolve Antonio Conceição ‘ Kalohan’ husi krime partisipasaun ekonomika  negosiu no hamenus pena prizaun efetivu ba Apolinario do Santos Asunsão.

Antes ne’e, Tribunal Judisial Primeira Instansia Dili (TJPID), aplika pena prizaun tinan lima efetivu ba Arguidu  Antonio Conceição ‘ Kalohan’ no mós  tinan haat efetivu ba Arguidu Apolinario do Santos Asunção. Maibe desizaun husi Tribunál Rekursu (TR), absolve  Antonio Conceição ‘ Kalohan’ husi pena prizaun efetivu tinan 5 no arguidu Apolinario do Santos Asunsão hamenus pena prizaun efetivu tinan 4 ba pena prizaun tinan tolu no suspende ba tinan-5.

ADVERTISEMENT
SCROLL FILA BA NOTISIA


Defeza ba arguidu Apolinario do Santos Asunção, Marçal Mascarinha hatete,  desizaun husi Tribunál rekursu sai ona no  arguidu balun absolve no suspensaun.

Lee Mós :
Pe. Venâncio: Ita Lakon Ministru Justisa Maibé Manán Klamar Ida Iha Lalehan no Fó Naroman

“Desizaun  husi Tribunál Rekursu sai ona, no absolve  Antonio Conceição ‘Kalohan’ husi pena ne’ebe Tribunal Judisial Primeira Instansia Dili aplika ba nia, maibe ha’u nia kliente Apolinario do Santos Asunsão maka hamenus pena efetivu tinan 4 ba prizaun tinan tolu no suspende ba tinan-5,” dehan Defeza  ba arguidu Apolinario do Santos Asunsão,  Marçal Mascarinha ba Timor Post liuhusi telefone, Sesta (12/04).

Tuir defeza ne’e hatete, Tribunal Rekursu absolve  Antonio Conceição “Kalohan’ ho razaun dehan nato’on despaixa primeiru kona ba atu  halo produsaun ba masin iha Atabae ne’e nia iha konesimentu, tanba nia nu’udar Ministru Komersiu Industria (MKI), maibe depois ida ne’e nia muda fali ba iha Ministru Edukasaun. Tanba ne’e prosesu tuir tan mai liga ho produzaun masin ne’e nia la iha konesementu ona.

Lee Mós :
MJ Tenke Tau Importánsia Ba Mákina Prodús Pasaporte

“Tuir lolos ne’e, Ministru Komersiu Industria foun, ne’ebe maka troka nia ne’e, tenke hola desizaun ruma atu muda,  maibe tansa nia kontinua deit,” nia afirma.

Aleinde nia dehan, arguidu Apolinario do Santos Asunção ne’e, nia kliente, tanba ne’e hafoin desizaun husi tribunál rekursu fo sai, nia hanesan fo hanoin kedas ba nia, atu la bele komete tan krime ruma, tanba hetan pena prizaun tinan tolu no suspende ba tinan lima.

Iha sorin seluk, advogadu Antonio Conceição ‘Kalohan’ Pedro Camões hatete, desizaun ba rekursu ne’ebe lalais sira hatama ba Tribunal Rekursu, liga ho Antonio Conceição nia kazu ne’e, desizaun sai ona, maibe nia parte seidauk bele anunsia lai.

Lee Mós :
Prezidente Ramos Horta Ezonera Kalohan

“Liga ho ida ne’e orsida 04:00 maka hau aviza, tanba ami seidauk asesu kopia desizaun por eskrita,  tanba agora hau seidauk asesu dokumentu, ne’ebe hau seidauk bele dehan buat ruma,” dehan nian.

Entertantu antes ne’e, Ministériu Públiku akuza krime partisipasaun ekonomia negósiu ba Antonio da Conceição ‘Kalohan’ ne’ebé uluk asumi kna’ar nu’udar Ministru Komériu Industria no Arguidu Apolinário Dos Santos Asunsão ne’ebé iha momentu ne’eba nu’udar asesór gabinete Vice Ministru.

 6,396 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Tribunal Rekursu Absolve Kazu Antonio “Ka…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No