ADVERTISEMENT

Konsulta ho PR, UDT – FM – PUDD Prontu ba ElPar

Mario da Costa - Polítika
Jornalista : Jerimias Soares
Editor : Noemio Falcao
  • Share
Prezidente Repúblika, José Ramos Horta, foto hamutuk ho líder partidu sira iha Palásiu Prezidensiál, Bairru-Pite, imajen Esp.

DILI (timorpost.com) — Prezidente Repúblika José Ramos Horta, Kuarta (25/01), hahú halo konsulta ho partidu polítiku sira asentu parlamentár molok dekreta kalendáriu Eleisaun Parlamentár (ElPar) 2023.

Horta konvida hamutuk Partidu União Democrático Timorense (UDT), Frente Mudansa (FM) no Partidu Unidade Dezenvolvimentu Demokrátiku (PUDD).

ADVERTISEMENT
SCROLL FILA BA NOTISIA


Hafoin sorumutu iha Palásiu Prezidensiál, Bairro-Pité-Dili, lideransa husi partidu tolu ne’ebé iha eleisaun antesipada halo koligasaun pre-eleitoral, hotu-hotu prontu hakat ba ElPar no desizaun tomak ba marka kalendáriu eleisaun, sira respeita ba kompeténsia Prezidente Repúblika nian.

Prezidente Partidu UDT, Francisco David Xavier Carlos hatete, UDT nia pozisaun hato’o ona ba Prezidente Repúblika.

Lee Mós :
Milena Otimista Prezidente Repúblika Sei Lidera Hosi Feto

“Na’i Prezidente adianta ba UDT, PUDD ho Frente Mudansa, katak iha previzaun ba eleisaun ne’e iha dia 6 ho 12 Maiu, prontu ita haree tuir konstituisaun iha artigu 86, alínea C, kompeténsia tomak na’i Prezidente atu dekreta data ne’ebé ba eleisaun parlamentár,” Francisco David haktuir.

Nia hatutan, UDT submete ba desizaun Xefe Estadu nian.

“Ami UDT preparadu sempre, iha baze mós ami komesa hahú, i ami hein hela eleisaun mai ne’e di’ak liu tan”. Prezidente partidu ne’e afirma.

Lee Mós :
Xefi Suku La'os Oportunidade Maibé Responsabilidade

Iha fatin hanesan, Prezidente Partidu FM, Ricardo Nheu, hatete partidu FM prontu no preparadu para atu partisipa, bainhira Xefe Estadu dekreta loron eleisaun parlamentár nian.

“Frente Mudansa prontu tempu saida de’it, para atu tuir iha eleisaun ne’e”, Ricardo Nheu afirma.

Nune’e mós, Prezidente partidu PUDD, Silvestre Sufa, dehan markasaun data eleisaun parlamentár nian, ne’e diretu prerogative Prezidente Repúblika nian, PUDD hanesan partidu polítiku preparadu bainhira Xefe Estadu dekreta data eleisaun.

“Partidu PUDD prontu atu bele hasoru eleisaun parlamentár ne’ebé mak sei hala’o, bainhira Prezidente Repúblika dekreta data eleisaun, ne’ebé PUDD hein de’it”. Sufa afirma.

Lee Mós :
Os Verdes Garantia Okupa Terseiru Klasifikadu Elpar 2023

Sufa admite, Partidu Unidade Dezenvolvimentu Demokrátiku (PUDD), prepara-an para atu bele hakat liu barreira porsentu 4. No to agora PUDD seidauk hanoin kona-ba koligasaun pre-eleitorál.

“PUDD prepara-an para atu hakat liu barreira eleitorál ne’ebé determina ona, ami prontu no loroloron ami la’o hela, ami hein hela atu bainhira de’it”. Sufa dehan.

 2,493 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Konsulta ho PR, UDT – FM – PUDD Prontu ba ElPar” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No