ADVERTISEMENT

Fulan Ida ona, Inan Faluk Verónica Hela ho Viziñu 

Mario da Costa - Justisa
Jornalista : Beatriz Belo
Editor : Mário da Costa
  • Share
Inan Faluk Verónica Xavier, Imajen TP/Beatriz Belo

DILI (timorpost.com) – Tanba hetán notifikasaun husi Tribunál, iha Sesta (11/11), Inan Faluk Verónica Xavier, obrigada ho nia-oan no bei-oan sira tenke hela ho viziñu.

Inan faluk Verónica Xavier, hatete aban Domingu (11/12), sira hela ho viziñu fulan ida ona, maibé sei kontinua nafatin hela ho viziñu ne’e hodi hein sira direitu ba rai ho uma ne’ebé Tribunál sita hela.

ADVERTISEMENT
SCROLL FILA BA NOTISIA


“Ami sei hela ho viziñu no hela nafatin iha lona okos, tanba ami seidauk hetan fatin, notifikasaun 15 dias, aban Domingu ami hela iha ne’e halo fulan ida, maibé ha’u seidauk simu informasaun ruma kona-ba hau-nia uma no rai ne’ebé Tribunál sita hela,” nia hateten ba online Timor Post ho oin triste iha Bedois, Suku Kamea, Postu Administrativu Kristu Rei, Munisípiu Dili, Sábadu (10/12).

Lee Mós :
Konfiansa vs Kritika ba Longuinhos Monteiro

Nia dehan, advogadu sira hetan ona husi redi ba rai nain rua, maibé to’o agora sira seidauk simu informasaun ruma husi rede ba rai.

“Ami iha ona advogadu nain rua husi Rede ba rai, Olivio Barros ho Julio da Silva, maibé seidauk iha informasaun ruma husi sira, ami tenta konfirma ho sira, prosesu to’o iha ne’ebé, mais sira dehan, ita halo rekursu hatama, maibé rekursu ne’e laiha limitasaun, nia bele to’o tinan lima,” nia dehan.

Nia hatutan, sira mós hetan tulun husi Kay Rala Xanana Gumão, hodi buka advogadu nain ida ba sira, mak doutor Miguel, maibé sira-nia parte mós seidauk simu informasaun ruma husi advogadu refere.

Alende ne’e nia dehan, daudaun ne’e sira sei kontinua hela ho viziñu, maski fulan ida ona, maibé daudaun ne’e sira iha ona planu ida atu halo Konferénsia Imprensa kona-ba desizaun husi Tribunál hasai.

Lee Mós :
Notifikasaun Tribunál, Inan Faluk Verónica Provizóriu Hela Ho Viziñu

“Tanba fulan ida ona laiha rezultadu, Tribunál fó 15 dias, maibé liu tiha fulan ida, ami sei kontinua hela ho viziñu no kontinua hela iha lona okos, susar uitoan ba labarik ki’ik-oan sira hela iha lona okos,” nia lamenta.

Nia dehan, sira sei la nonok ba desizaun Tribunál nian, tanba rai ho uma ne’e sira nian, sira la mai hadau ema seluk nia rai no la hela iha ema ida nia rai, rai ho uma ne’e sira nian, tanba ne’e sira hakarak liuhusi julgamentu hafoin bele hatene loloos kona-ba rai ho uma refere.

“Durante ami hela iha viziñu ne’e, hela ho alin estudante sira de’it, bainhira ami envolve ho sira ne’e, ami paraliza tiha sira-nia prosesu estuda,” nia hateten.

Lee Mós :
ALFELA Rejista Kazu VBJ Hamutuk 6.276

Tanba ne’e, husu ba Governu, atu rezolve lalais sira-nia problema n9ee, tanba daudaun ne’e sira hetan difikuldade boot mak fatin Toba la seguru, tanba toba iha li’ur de’it no udan mai sira Toba la di’ak.

Enkuantu, tuir observasaun Timor Post online iha terrenu, inan faluk Verónica Xavier, ho nia Bei-oan João kontinua hela iha viziñu nia uma no mós nia oan no Bei-oan sira seluk kontinua hela iha lona okos, lona ne’ebé sira hela ba ne’e balun nakles ona, maibé sira kontinua Toba iha okos.

 1,545 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Fulan Ida ona, Inan Faluk Verónica Hela ho Viziñu “ A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No