DILI (timorpost.com) – Juventude sira presiza kria pás no estabilidade iha nasaun ne’e, atu hamutuk ho sidadaun hotu partisipa dezenvolvimentu ba future ne’ebé di’ak liu.
“Ita konsege manan tia Nasaun Timor-Leste. Ema barak mate, ruin, raan, isin no klamar. Entaun agora ita tenke iha prinsípiu ida pas no estabilidade, la’ós atu hatudu liman ba malu, oho malu, baku malu,” deputada Bankada Partidu KHUNTO, Olinda Guterres hateten ba jornalista sira iha PN Dili, Kuarta-feira (09/08/2023).
Olinda Guterres husu ba joven, liuliu arte Marsiais no rituais tomak hanesan PSHT, IKS, Korka, no seluk tan atu kria pas no estabilidade.
“Sei hakarak kria inimigu, ba tiru malu iha Ukraina-Rusia,” nia dehan.
Nia mós apela ba nonu-Governu konstitusionál, liuliu ministériu relevante sira, autoridade KRAM, orienta didi’ak juventude sira atu respeita lei atu servi estadu Timor-Leste (TL).
“Juventude mak nasaun nia futuru. Estraga malu no oho malu, la’ós tempu ona,” deputada ne’e dehan tan.
23,006 total views, 27 views today
