DILI, (timorpost.com) — Iha Juramentu membru Polísia Nasionál Timor-Leste (PNTL) ne’ebé envolve iha Grupu Arte Marsiál (GAM), no Grupu Arte Rituál (GAR), hodi serví de’it ba Estadu. Primeiru Ministru (PM), Kay Rala Xanana Gusmão, fó jura ba membru PNTL iha Ofisiál Superiór F-FDTL no PNTL iha udan-laran, tanba ne’e udan habokon tiha Xefe Governu iha serimónia juramentu refere.
Udan habokon Primeiru-Ministru bainhira halo vizita ba parada PNTL no F-FDTL iha Palásiu Governu. Nune’e mós Komandante FALINTIL-Forsa Timor-Leste (F-FDTL), Tenente jenerál, Falur Rate Laek, no komandante Jerál PNTL, Komisáriu Jerál, Henrique da Costa, inklui membru hotu ne’ebé partisipa iha eventu refere.
Iha vizita parada ne’e, Primeiru-Ministru la’o ain hodi hala’o parada ba membru PNTL ne’e kuaze besik minutu 10 iha udan laran, inklui kanta Ino Nasionál mós iha udan laran de’it tanba udan kuaze besik oras ida.
Iha serimonia ne’e, membru sira hala’o juramentu kompromisu de onra katak, atu serbí de’it ba rai no povu ne’e.(*)
2,132 total views, 3 views today
Bele hare Video Seluk :
Subscribe to Timorpost
