ADVERTISEMENT

Tama Idade 23, Media Timor Post Enfrenta Quarter Life Crisis

Augusto Sarmento - Opiniaun · Siensia
Jornalista : Augusto Sarmento Dos Reis, Xefe Redasaun
  • Share

Timor Post media nasionál ida harii hosi profisionál timoroan na’in-14 iha 29 Fevereiru 2000, sei iha Administrasaun Nasoins Unidas nia ukun, antes restaura independénsia iha Maiu 2020. Partisipa iha konstrusaun nasaun hosi zero mai to’o  ohin loron ho lema “Harii Unidade, Justisa no Demokrasia”.

Ohin, kompleta tinan ezisténsia ba dala 23. Karik kompara ema umana idade 23 hanesan idadade ida tama iha frajilidade no importante ba ema hotu tanba tama iha faze quarter life crisis krize kuartal ne’ebé pasa hosi ema hotu ne’ebé hakat tama idade ida ne’e, diferente ho idade 20.

ADVERTISEMENT
SCROLL FILA BA NOTISIA


So kompara mós joven sira ne’ebé moris iha 2000 tama ho idade 23 hasoru ambiente moris tenke ona iha responsabilidade rasik iha ninia vida pesoál, tenke mandiri (hamriik mesak). Tanba tama ho idade refere iha obrigasaun muda ambiente ka atitude no lala’ok mudansa iha moris hosi oras ba oras.

Lee Mós :
LIA MENON BA MORIS IHA ORAS NIA NININ!

Tinan barak instituisaun media Timor Post hakat liu ona midar no moruk, memória kontinua hela maibé la hela leet de’it, tanba primeiru jornál iha Timor-Leste ne’e prodús ona rekursu barak-barak hodi kontribui ba nasaun.

Hateke sorin-sorin, media maluk ka viziñu sira iha mudansa boot, halai distánsia kilómetru lima, enkuantu Timor Post foin atu kompleta kilómetru ida, katak media sira seluk ne’ebé mosu iha era independénsia balun avansadu ona, enkuantu Timor Post sei favoritiza jornál hanesan produtu espesiál.

Iha situasaun ida ne’e, jornál hasoru laloran boot, adversáriu ba mundu dijitál. Buat barak ema asesu liu via eletrónika hanesan telefone no komputadór, sera ke jornál kontinua defende ninia ezisténsia? Ne’e naha boot ida ba servisu na’in, iha kompañia ne’e, iha situasaun difisil ne’e ezije mós papél asionista (kompañia na’in) ninia papél hodi luta hamutuk.

Lee Mós :
Timor Leste Propisiu Tebes ba Risku no Perigu Natural-Multiplu

Tinan ida ne’e Timor Post reflete duni ba ambiente idade 23 nia, hakarak duni halo mudansa hodi aumenta tan ninia produtu hodi responde konverjénsia media responde ba nesesidade kliente no leitór iha eletróniku hanesan bele asesu online www.timorpost.com produtu video Yotube Timor Post no kontinua ho jornál Timor Post.

Iha situasaun ida ne’e ezije Timor Post atu investe makaas liu tan ba iha fasilidade, rekursu ema no rekursu finanseiru. Klaru katak aumenta produtu aumenta servisu no aumenta nesesidade tékniku ba material no mós non material, bua sira ne’e hotu fila fali ba vontade hosi entidade relevante, kompañia na’in, traballadór no mós parseiru.

Lee Mós :
Loron Valentine La’ós Loron Seksuál

Maski mundu tama kleur ona iha dijitál, maibé media iha Timor seidauk bele moris hosi situasaun ida ne’e ho kontestu Timor nian katak rede internet sei ho kapasidade no velosidade ki’ik, pior liu tan maka tranzasaun eletrónika internet Banking, seidauk funsiona tanba ne’e papél estadu nian importante loos atu esforsu oinsá empreza mákina eletrónika internet hanesan google ho rede sosiál sira seluk bele hatama Timor-Leste ba iha merkadu internet nian.

Se lae, Timor Post no media nasionál sira seluk ne’ebé eziste no sirkula de’it iha Timor-Leste labele moris naruk tanba laloran merkadu ladún favorese.

 2,917 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Tama Idade 23, Media Timor Post Enfrenta Quarte…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No