DILI (Timorpost.com)—Atu transforma moris ne’e presiza servisu atu bele moris. Moris la’os hein maibe moris ne’e presiza servisu tanba tempu ne’e temporariu.
Joven foin sa’e ida ho naran kompletu, Marcos de Carvalho ho naran bolu “Noky” husi Postu Administrativu Atabae, Munisípiu Bobonaru hanesa estudante graduadu ida husi Institute of Business (IOB) tinan 2023.
Marcos servisu iha Rental iha Fomentu II besik Kampus C, IOB.
“Moris iha sidade ne’e kualkér saida de’it presiza servisu atu bele sustenta moris liu hosi nesesidade lor-loron nian. Importante mak tenke agradese ba saida mak ita hetan keta haree ba nia valor, maibé haree ba nia signifikativu muda ita nia vida moris”. Dehan Marcos ba Timorpost, iha Fomentu II, Tersa (04/06/2024).
Nia konta, servisu iha Rental ne’e la’os remata tiha universitáriu mak servisu la’e. servisu antes ona.
“Moris iha sidade Dili la fasil hanesan ema hotu, maibé iha ema balu presiza esforsu ba nia aan no balu depende ba nia inan aman”. Nia informa.
Atu transforma moris ne’e sai valor iha ema seluk nia matan, mak presiza servisu no hosi rezultadu ne’ebé iha hatudu ba ema seluk katak ita mós bele.
“Labele hein los de’it bainhira mak estadu loke vaga hodi ba kompete maibé oinsá uza o nia abilidade ne’ebé iha servisu hodi transforma moris ne’e”.
Servisu iha Rental ne’e barak dehan kolen, maibé atu hatete de’it la’e, tanba buat hotu ita servisu ho domin mak nia sei fó fuan mós ho domin.
“Hanesan juventude ita labele lakon vontade ba servisu ki’ik ne’ebé mak ita moris mai ne’e , ita hasoru hela no ita la bele moe no ta’uk tanba servisu ne’ebé mak fó influensia mai ita no sai juventude labele ta’uk no moe ita presiza koko atu nune’e ita bele hatene alvu hosi problema ne’e iha ne’ebé”. Hakotu.
630 total views, 12 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Hatutan Moris Hosi Servisu Rental](https://timorpost.com/wp-content/uploads/2024/06/rental.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)