Manufahi(timorpost)— Ministériu Turizmu no Ambiente (MTA) no Sentru Edukasaun Informasaun Ambientál (CEIA-sigla portugés) lori juventude brigada no Diretór Eskola Ensinu Báziku Central (EBC) husi Covalima, Baukau, Likisá, Ainaru no Manatutu halo estudu komparativu kona-ba eskola verde, durante loron rua, sesta no sabadu semana kotuk iha Manufahi, .
Eskola ne’ebé mai partisipa estudu komparativu iha EBC Fatuko mak hanesan EBC Salele, Covalima, EBC Baucau Vila Nova, EBC Ulmera-Kasait, Likisá, EBC Aimerleu, Hatudo, Ainaro, no EBC Santo Antonio Manatuto.
Iha ambitu ne’e, Diretóra (CEIA), Amenica Machado Fernandes hateten, programa eskola verde implementa hahú husi tinan 2016 ho konseitu involve no hasae konsiensia komunidade no eskola sira ne’ebé iha inisiativa rasik atu dezenvolve ambiente eskola nian atu kría ambiente saudável, matak no malirin.
“Eskola hirak ne’ebé deklara ona eskola verde hodi partisipa ona kompetisaun premiu “Habalia Ambiente Eskola” no EBC Fatuku Same, sai primeiru lugar iha Timor-Lese,” dehan iha aprezentasaun ba partisipante sira.
Nia dehan, kada tinan CEIA realiza estudu komparativu, ho objetivu atu hodi partilla fali progresu programa eskola verde kada eskola nune’e bele implementa fali iha sira nia eskola.
Fatin hanesan Diretor Edukasaun Munisípiu Manufahi, Trinito Sarmento, hato’o agradese ba Ministériu Turizmu no Ambiente tanba hamosu programa eskola verde.
“Programa eskola verde ne’e hodi hafutar ambiente eskola sai furak liu tan no oinsá atu eduka alunu no manorin na’in sira atu bele promove no dezenvolve ambiente iha eskola,” nia dehan.
Tempu hanesan reprezentnste Administrador Munisípiu Manufahi atual Diretór Jestaun Merkadu no Turizmu, Leandro Tilman husu atu programa ida ne’e kontinua implenta ba eskola seluk, nune’e bele motiva no hasa’e konsiensia alunu sira, atu hadomi ambiente no la soe lixu arbiru. Lixu sira hanesan, roda aat, aqua fatin no sira seluk bele transforma no dezenvolve fali ba ambiente verde.(#)
1,398 total views, 3 views today
Bele hare Video Seluk :
Subscribe to Timorpost
