(Reportajen korespondente Manufahi, Luis Casimiro/Editor Mateus da Cruz)
MANUFAHI–Udan boot ne’ebe akontese iha, Kuarta (09/03) mais menus oras tuku tolu ho balun oras timor leste, halo rai monu hosi estrada leten tun ba estrada públiku, diresaun area suku Letefoho postu administrativu Same, Munisípiu Manufahi.
Situasaun difikulta tebes movimentu transporte públiku tantu Kareta ho motor hosi diresaun suku Holarua, Letefoho no suku Tutuluro, postu Same inklui suku seluk hosi postu Alas no Turiskai hakat ba merkadu Same vila
Estrada ne’e mós monu halo funsionariu administrasaun Munisípiu no sentru solidade sosial Munisípiu Manufahi, SAS no sira seluk labele ultrapasa ho transporte no obrigadu tenke la’o ain.
Relasiona ho akontesementu ne’e kondutor mini Bus ka mikrolet diresaun Holarua, ho númeru 02, Joaquim de Araújo preokupa tebes ho situasaun refere tanba difikulta movimentu transporte.
“Ami preokupa tebes no ami husi ba governu lokal no sentrál atu tau atensaun urjente tanba dalan públiku,”nia dehan, ba Timor Post iha fatin, akontesementu, Ermeti, Kuarta (09/03).
Nia haktuir kronoljia katak, iha tuku tolu 3 udan halo ai monu uluk hosi leten tun mai no ai refere uluk tesi tanba ameasa dalan lakleur fali rai monu taka metin estrada.
Hatan ba preokupasaun ne’e Diretor serbisu Obras Publiku Munisípiu Manufahi, Pedro Barbosa dos Santos resposta katak, maske Obras públiku desentraliza ona mai Munisípiu maibé ekipamentus laiha maibé ho kondisaun sei buka meius atu rezolve.
“Maske ami la iha ekipamentu hodi halo atendmentu ba ida ne’e maibé ami kontaktu ona empreza sira iha Same atu hodi atende urjentementu netraliza dalan ne’e ita hodi bele liu tanba grave los”dehan Pedro.
“Sim,ami kontaktu ona Kompañia sira iha Same no balun seidauk bele tanba ekipamentu iha hela manutensaun maibé liga ona Kompañia “Bead Ford” nune’e aban hodi halo atendementu”nia hakotu.(lcl).
921 total views, 3 views today
Bele hare Video Seluk :
Subscribe to Timorpost
