DILI(Timorpost)—Diretór Ezekutivu Sentru Nasionál Chega (SNC), Hugo Maria Fernandes, hatete, SNC hetan apou hosi governu Alemana hodi re-dezenvolveantigu komarka Balide
Nia hatete Projetu foun ida ne’e ho objetivu atu re-dezenvolve fali antigu komarka Balide nu’udar muzeu ida ho konteúdu permanente ida kona ba komarka balidi ne’e rasik.
Razaun re-dezenvolve Antigu Komarka Balide tanba daudaun ne’e antigu komarka ne’e tanba dalabarak ema kuandu vizita komarka ne’e, iha ezibisaun oi-oin de’it, iha ezibisaun kona ba hamlaha, kona ba akontesimentu iha 1999, prizaun prizioneiru polítiku maibé ezibisaun ida espesiál kona ba Komarka balidi sidauk iha.
“Se imi vizita sela sira imi haree maka prizioneiru sira nia hakerek iha ne’ebá husik hela. Kuandu ba vizita sela nakukun, imi haree nia orijinalidade, maibé istória tomak oinsá maka moris loro-loron prizioneiru sira iha prizaun, se mak dadur iha ne’e, ne’e sidauk iha,” nia hatete, ba jornalista sira, iha Salaun CNC, Balide, Tersa (06/06).
Nia dehan, Orsamentu ba Projetu ne’e la’ós mai hosi orsamentu estadu nian maibé orsamentu ne’e mai husi governu Alemaña. Apoiu ida ne’e tanba CNC halo kooperasaun ho Governu Alemaña liuhusi ministériu negósiu estranjeiru Alemaña nian.
“Sira apoiu total orsamentu hamutuk $ 390 mil dollar Amerikanu, projetu hahú iha tinan 2022, Projetu durasaun tinan 2 no remata iha fulan Dezembru 2024,” nia hatete.
Iha fatin hanesan Eis prizioneiru, Eteuco Guterres, agradese ba planu husi diretór CNC nian, ne’ebé mak iha nia hanoin ida kriativu nia konsege lori programa Chega ba mundu internasionál, ne’ebé mak motiva nasaun sira, liuliu nasaun Alemaña hodi ajuda CNC bele harii antigu komarka balidi sai muzeum ida.
Tuir nia katak, planu ida ne’e di’ak ba aban bainrua no ba futuru jerasaun foun sira, hodi estuda kona ba ukun rasik aan nia prosesu ne’e too ohin loron la’o oinsá.
“Ida ne’e pasu ida ke importante ba ami nu’udar veteranu uluk kastigu duni iha fatin ida ne’e, iha situasaun difisil, planu ida ne’e di’ak,” nia hakotu.
1,185 total views, 3 views today
Bele hare Video Seluk :
Subscribe to Timorpost
