DILI (timorpost.com) – Portavós Inséndiu Merkadu Taibesi, José Maubere, hatete vítima sira la ta’uk moras, maibé ta’uk hamlaha, tanba ne’e responsabilidade ida-idak nian.
Nia hatete, hahú loron 22/12 kalan maizumenus tuku 11:30, hetan apoiu husi parte relevante sira, tanba ne’e agradese ba apoiu hirak ne’ebé mai entidade hotu-hotu tantu Governu no privadu.
Nune’e mós, nia dehan, Governu apoiu hahán durante oras 72 nia laran, no termina iha horisehik, daudaun ne’e parte Governu la apoiu ona.
Alende ne’e nia parte agradese mos ba seguransa liuliu Polisia Nasionál Timor-Leste (PNTL), Media no parte hotu-hotu ne’ebé durante ne’e akompaña vítima sira iha Merkadu Taibesi.
Nia dehan, maski fatin toba la hanesan uluk, maibé agradese situasaun mak hanesan ne’e, daudaun ne’e uza hela Biti ho Lona (Terpal) nahe hodi toba.
“Moras ne’e ami la ta’uk, ami ta’uk hamlaha, ami la ta’uk moras tanba médiku barak atu halo tratamentu, maibé kuandu hamlaha ita husu ba aan rasik”, nia hateten ba Timor Post Online iha Taibesi, Kuarta (28/12).
Nune’e mós, nia parte, husu ba Governu nafatin tau matan, hodi apoiu hahán hodi sira bele aguenta to’o dezloka ba fatin seluk.
Nia esplika, kona-ba joven bele buka hahán iha fatin seluk, koitadu Inan isin-rua ho Bebé, vulneravel, defisiente se mak atu fó hahán ba sira, tanba ne’e Governu loke matan ba povu hirak ne’e.
2,020 total views, 6 views today
Bele hare Video Seluk :
Subscribe to Timorpost
