(Reportajen Jose Mauno/Editor Mateus da Cruz)
DILI– Atuál prezidente partidu CNRT, Kay Rala Xanana Gusmão, rona informasaun katak lider balun hakarak tuur hamutuk hodi rezolve problema polítika iha Timor-Leste maibé nia parte moe atu tuur hamutuk ho sira.
Razaun Xanana Gusmão lakohi tuur hamutuk tanba lider seluk mesak nivel edukasaun doutoramentu de’it. Entaun nia ba tuur hamutuk ho sira atu ko’alia saida.
“Ita nia kandidatu ohin dehan nia atu bolsu sira ko’alia atan ha’u koitadu labele kompara ho sira seluk. Ha’u nunka tama Universidade ba Ko’alia fali ho doutor Cum Laude sira ha’u moe”, lider Kay Rala Xanana Gusmão kasu liafuan ne’e bainhira halo intervensaun iha komísiu eleitorál kandidatu prezidente da repúblika períodu 2022-2027 iha kampu Lautem, domingu (10/04).
Nia hatutan, “Ida fali dehan dia 24 atu bolu lider nasionál, bolu mós ha’u, ha’u dehan deskulpa lalika lakon tempu, lalika lakon tempu, atan ha’u ba Ko’alia saida, ba hasoru atu ko’alia saida, hasoru Jenerál ne’e ha’u nakdedar, ta’uk ne’e”,
Tanba ne’e, hahalok oi-oin iha kampaña ida ne’e akuza Xanana ho Horta mak kria krize, iha 2006 nia la’o tun sa’e maibé dehan sira mak kria krize, fahe kilat.
Tanba ne’e nia hatete, kandidatu Ramos Horta kuandu sa’e prezidente loke fila fali kazu 2006-2007 atu povu tenke hatene loloos se mak kria, fahe kilat, se mak dehan komandu ba oho polisia sira ne’ebé hakoi iha ministériu justisa. Tenke loke investigasaun foun para Lia loos tuur iha fatin hodi polítiku sira lalika soe fatuk ba malu subar fali liman.
Alende ne’e, Xanana mós konta katak, Lú-Olo iha Oekuse dehan Xanana mak viola konstituisaun, maibé nia la hatene tanba Lú Olo prezidente asembleia konstituente, nia iha li’ur sira aprova tiha konstituisaun.
“Iha 20 Maiu 2002, ita hetan restaurasaun. Ne’e komu lakon dala rua iha eleisaun prezidensiál nia ba estuda UNTL, Cum Laude úniku tebe-tebes iha Timor-Leste no mundu tanba iha mundu atu tama Universidade tenke iha sekundáriu, nia laiha”, nia hatete.
Nia dehan, kandidatu Lú Olo hatudu ninia matenek duni maibé hatudu ninia matenek hanesan para povu hili Jose Ramos Horta.
“Ema Ida horisehik iha ne’e dehan ha’u bosok ten, ha’u la hirus, la ezije para atu husu diskulpa, maibé ha’u husu de’it dokumentu ne’ebé hakerek iha ai laran ba sira iha li’ur. Ha’u bele respeitu de’it kuandu haruka ba hatama iha museum rezisténsia”, nia afirma. (Lee Notisia Seluk Iha Jornal Timor Post/Asesu You Tube Timor Post)
1,020 total views, 3 views today
Bele hare Video Seluk :
Subscribe to Timorpost
