ADVERTISEMENT

Remata Kampaña, Tasi Tolu Nakonu Ho Lixu

Timor Post - Dili · Edukasaun
  • Share
Hafoin remata kampaña Eleisaun Prezidensiál Tasi Tolu Nakonu ho fo'er, hanesan iha imajen ne'e hasai iha loron, Kinta, (17/03/2021). (Foto Timor Post/Jeremias Soares

(Reportajen Suzana Cardoso)

DILI (Timor Post) – Kampaña eleisaun Prezidensiál ba períodu tinan 2020 to’o tinan 2027 ne’ebé hahú iha loron 02 Marsu 2022 no remata ona iha loron 17 Marsu 2022 husik hela esperiénsia midar no moruk ba mundu.

ADVERTISEMENT
SCROLL FILA BA NOTISIA


Fo’er iha kampu Tasi Tolu ne’ebé luan boot loos ne’e sei prejudika ekipa saneamentu atu hamoos hotu, hanesan iha imajen ne’e hasai iha loron, Kinta, (17/03/2021). (Foto Timor Post/Jeremias Soares)

Hamutuk Timor-oan escolhidas no melhor kapasidade politika  na’in 16 habarani aan hodi fa’an sira nia kapasidade polítika ukun nian; hosi palku ba palku, hosi uma ba uma, hosi lurón ba lurón hodi tama sai munisípiu 12 no RAEOA.

Durante loron 15 nia laran, ida-idak espresa ninia kapasidade atu oin nusa maka sei lidera nasaun Timor-Leste durante períodu tinan oin mai.  Balun aprezenta ideia foun, balun aprezenta ideia bazeia ba esperiénsia, balun seluk halo avaliasaun emosaun ba Prezidente Repúblika anterior sira.

Hafoin remata kampaña, ekipa saneamentu mai ra’ut fo’er iha Tasi Tolu maibé tanba fo’er barak demais maka sira la konsege ra’ut hotu, hanesan iha imajen ne’e ekipa saneamentu iha loron, Kinta, (17/03/2021) foin remata ra’ut fo’er atu ba soe iha Tibar. (Foto Timor Post/Jeremias Soares)

Tuir observasaun Timor Post durante kampaña, hosi kandidatura hirak ne’ebé adhere aan ba Partidu maka ninia militante barak liu kompara ho sira ne’ebé independente. Partidu boot hanesan; CNRT, Khunto, Partidu Demokrátiku, Fretilín hosi kandidatura Francisco Guterres Lu Olo no Lere Annan Timor maka sempre halo palku boboot hodi halibur militante.

Hosi halibur militante iha fatin-fatin, dala barak husik hela fo’er ne’ebé produs hosi militante rihun ba rihun ne’e. Kampaña hotu ekipa susesu sira aruma sasán la’o ba daudaun ona. Maibé la konsege aruma fo’er ne’ebé husik hela hosi militante sira.

Fo’er hirak ne’ebé maioria mai hosi plástika ne’e, iha posibilidade boot sei estraga ambiente sira, liu-liu bee lagoa iha Tasi Tolu kuandu husik semo mesak hanesan iha imajen ne’e akontese iha loron, Kinta, (17/03/2021). (Foto Timor Post/Jeremias Soares)

Iha Kapitál Dili, sai barómetru ba komunidade sira hodi hare kona ba responsabilidade ekipa susesu atu aruma fo’er hirak ne’ebé produs ona hosi militante sira. Maibé kuaze iha fa fatin fo’er bou hamutuk. Laran metin ba ekipa saneamentu maibé sira nia kapasidade natoon de’it kompara ho fo’er ne’ebé barak los ne’e. Liu-liu iha tasi tolu fo’er soe arbiru, hodi kria ambiente fo’er no dois iha fatin ne’ebá.(Lee notísia seluk iha jornál Timor Post/Asesu You Tube Timor Post) 

Fo’er plástika hirak ne’ebé la rekolla lalais sei semo tama be’e laran no semo ba fá fatin hodi iha posibilidade boot sei estraga ambiente sira, liu-liu bee lagoa iha Tasi Tolu hanesan iha imajen ne’e akontese iha loron, Kinta, (17/03/2021) hafoin remata kampaña. (Foto Timor Post/Jeremias Soares)

 829 total views,  3 views today

  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: