ADVERTISEMENT

COE Ho BOP Kaer Tan Membru PSHT Ida Iha Fronteita

Timor Post - Bobonaro
  • Share
BOP lidera husi Komadante Kompañia Delta, Inspitor Polísia Rozalino Dos Santo, enkuantu husi COE, Lidera husi Kamadante Assitente Inspektor Julio Bosco

(Reportájen Jaime Pires/Editor Suzana Cardoso)

Bobonaru (Timor Post)- Polísia Nasionál Timor-Leste (PNTL), liuhusi Kompañia Operasaun Espesial (COE) no Batallaun Orden Públika (BOP), kaer tan membru arte marsial Persaudaran Setia Hati Terate (PSHT) ida iha Fronteira, Bato Memo.

ADVERTISEMENT
SCROLL FILA BA NOTISIA


PNTL liuhusi servisu konjutu entre COE no BOP kaptura sidadaun ida membru PSHT ne’e iha Aldeia Huluati, Suku Tapo Memo, Postu Administrativu Maliana Villa, Munisípiu Bobonaru Domingu (08/08) meudia ne’e.

Tuir observasaun ne’ebé mak Timor Post hare iha terenu, ekipa COE no ne’e kaptura sidadaun ne’e iha media meizumenus oras 12 liu minutu 40, hodi lori kedas mai Kuartel BOP SOSO Maliana Vila hodi halo prosesu investigasaun.

Lee Mós :
Konfrontu Bobonaru Rejista Uma 10 Hetan Sunu, Vitima Ida Mate Iha Hospitál

Enkuantu sidadaun ne’e, ho motor honda marka BLEAD, plat oin kotuk laiha hotu, lori atributu PSHT nia inklui mós pasta Ki’ik ida ne’ebé mak iha laran dokomentu arte marsial nia.

Sidadaun Timoroan hanesan mós membru arte marsial PSHT ne’e, ho naran inisial (SDJ), ema husu Aldeia Omelai Suku Molop Postu Administrativu Bobonaru, Munisípiu Bobonaru.

Lee Mós :
FM husu KRAM Komunika Di'ak ho PSHT

Hafoin parte investigasaun husi BOB no COE halo investigasaun ba sidadaun ne’e, nia, nia parte deklara duni katak atu hakat ilegal fronteira.

Maibé antes BOB no COE atu kaptura iha terenu, nia konsege bosok uluk tun sa’e dehan, atu fase motor no hader mate uma foin fila nune’e mós dehan, atu tula alin ida ba uma no farda arte marsial nia ne’e mós ema seluk nia.

Maibé hafoin ekipa kontinua halo investigasaun nia deklara sai katak, farda ne’e ninia duni no nia atu hakat duni ilegal hodi ba Atambua.

Lee Mós :
Muk Do a / Muk Pho: Baze Fraternidade (Persaudaraan) Sosiedade Bunak

Hafoin ida ne’e, ekipa COE no BOP lori kedas sidadaun ne’e ba entrega iha Komandu Munisípiu Bobonaru, hodi kontinua ba prosesu investigasaun.(Lee notísia seluk iha Jornál Timor Post)

 1,017 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “COE Ho BOP Kaer Tan Membru PSHT Ida Iha Fronteita” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No