ADVERTISEMENT

Koordenadór Musulmanu Duni Fila Jornalista Husi Masjid Al-Amal

Mario da Costa - Baucau · Relijiaun
Jornalista : Caetano Guterres
Editor : Mário da Costa
  • Share

BAUKAU (Timor Post)-Koordenadór Musulmanu Munisípiu Baukau, Samsul Bahari, duni fila jornalista Timor Post, korespondente Baukau, tanba Konsellu Superior Musulmanu Estrutura Nasionál, Ibrahim desidi atu jornalista halo fali entrevista ho Fundadór Fundasaun Annur iha Dili Abdullah Sagran.

Kronólojia akontesimentu, iha oras tuku 08:50, bainhira jornalista hodi motor mean Honda verza halai tama areadores Masjid no para tiha iha masjid oin hamutuk ho motor tolu seluk hafoin tun husi motor hetan simu husi Konsellu Musulmanu Estrutura Nasional no Komprimenta, nunee nia (Konsellu) husu jornalista dehan atu entrevista karik bele ho de’it katuas Fundadór Fundasaun Annur husi Dili nian tanba nia mak hatene lala’ok musulmanu hahú inisiu to’o agora.

ADVERTISEMENT
SCROLL FILA BA NOTISIA


Lee Mós :
Governu Suspende Konfinamentu Obrigatóriu iha Dili no La Estende Baukau-Vikeke, Transporte Públiku Bele Sirkula Ona

Maibe, konsellu foin bolu Fundadór Fundasaun Musulmanu Annur iha Masjid laran foin hakat mai eskada atu halo entrevista Koordenadór Musulmanu Baukau hakat besik jornalista dehan jornalista sira labele halo entrevista naran-naran ho ema seluk, maibe entrervista mak nia (Samsul Bahari) tanba nia mak sai Koordenadór iha Masjid Al-Amal Baukau.

“Ita boot sira jornalista labele mai halo entrevista naran-naran de’it ema seluk maibe loloos entrevista ho ha’u tanba ha’u mak hatene liu kona-ba animál hira mak ajuda mai no husi see, ha’u mak sei halo laporan ba nasionál”, dehan Koordenadór Musulmanu Munisípiu Baukau, Sábadu (09/07) dadersan iha Masjid Al-Amal Baukau relasiona loron boot Idul Adha.

Lee Mós :
Sub-KRAM Baukau Prontu Ezekuta Orden KRAM Nasionál

Maski nune’e, parte Konsellu Superior Musulmanu Ibrahim mós kontinua defende nia argumentu ho razaun katak jornalista halo entrevista ho Fundadór Fundasaun Annur husi Dili, tanba katuas ne’e nu’udar ema antigu musulmanu nian iha Timor-Leste.

“Ha’u-nia hakarak ita bo’ot halo entrevista ho ami-nia katuas antiga Fundadór Fundasaun Annur Musulmanu husi nasionál mak di’ak liu tanba nia hanesan ema katuas antigu iha ami-nia relijiaun hahú uluk to’o agora”, dehan Ibrahim.

Tanba lakohi hamosu problema entre dirijente musulmanu iha loron bo’ot refere, Konsellu Superior Musulmanu ne’e mós konkorda haruka jornalista fila.

Lee Mós :
SEKOMS Sei Apoia Mídia Privadu Sira

Tuir observasaun jornalista nian nota, katak maski iha dezentendimentu entre konsellu ho koordenadór to’o hasai lia fuan makas ba malu, maibe musulmanu sira balun husu atu lider na’in-rua ne’e hatudu ezemplu di’ak ba nia musulmanu seluk iha ámbitu loron bo’ot refere.

Maski lider na’in-rua iha liafuan makas no dezentendimentu ba malu, maibé musulmanu foin sa’e sira kontinua hala’o atividade oho animál no tunu nan hanesan karau vaka no bibi ne’ebé kesi iha masjid nia oin.

 3,476 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Koordenadór Musulmanu Duni Fila Jornalista Husi…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No