ADVERTISEMENT

KHUNTO Sei Selebra Aniversáriu ba dala-9 iha Ainaru

Timor Post - Ainaro
  • Share

Timor Post (29/06/2020)-Partidu Kmanek Haburas Unidade Nasionál Timor Oan (KHUNTO) sei selebra aniversáriu ba dala-IX (sia) iha loron 4 Jullu 2020 iha Munisípiu Ainaru.

Sekretáriu Jerál Partidu KHUNTO, José Agostinho da Silva, hatete tema sentrál ba selebrasaun aniversáriu nian maka hametin integridade estadu nian hodi aselera progresu Dezenvolvimentu nasionál ba futuru Sosiedade.

“Ho selebrasaun loron moris KHUNTO nian ba dala 9 ne’e ho tema sentrál ida sei hametin integridade estadu hodi aselera progresu Dezenvolvimentu nasionál ba futuru sosiedade ida ne’ebé mak justu no dignu”, informa, atuál Ministru Transporte no Komunikasaun ne’e ba jornalista sira hosi konferénsia imprensa iha Sede Partidu KHUNTO, Manleuana, Dili, Segunda (29/06).

Agostinho argumenta hili tema ida ne’e para bele orienta partidu KHUNTO oinsá bele susesu iha futuru eventu demokrátiku sira hanesan eleisaun parlamentár, eleisaun prezidensiál karik Partidu iha ninia preparasaun.

Iha biban ne’e Sekjer Partidu Khunto apela ba estrutura nasionál partidu KHUNTO nian kuadru polítika, simpatizante, militante no Públiku tomak iha territóriu nasionál Timor-Leste laran tomak, katak iha loron 4 Julho 2020 selebra aniversáriu ba dala IX.
“Ho ida ne’e hakarak konvida estrutura nasionál, estrutura municipal ho kuadru polítika partidu KHUNTO nian atu bele partisipa iha loron importante ida ne’ebé sei selebra iha Munisípiu Ainaru” dehan Agostinho.

Entretantu a atividade ne’ebé sei realiza maka konsertu múzika hosi artista Partidu nian, lansamentu tau Fatuk dahuluk ba konstrusaun tore ba Hotel Kmanek Partidu nian no kalan kulturál. Partidu Khunto eziste iha loron 4 fulan Jullu 2011 liubá.

(Jornalista Julio Salinas Soares)

 1,076 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “KHUNTO Sei Selebra Aniversáriu ba dala-9 iha Ai…” A few seconds ago

Lee Mós :
Postu Maubisse Organiza Jogu Komunitária, “Paz no Amizade maka Lori Timor ba Oin”

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No