ADVERTISEMENT

Médiku husu Lu Olo Deskansa no Adia Vizita Manufahi-Ainaro

  • Share
Administradór Munisípiu Manufahi, Arantes Isaac Sarmento tara tais ba Xefe Uma Sivíl Prezidénsia Repúblika, Francisco de Vasconselhos.

Jornalista Luis Casimiro Lopes / Editór Noémio Falcão

Manufahi (Timor Post)—Médiku ne’ebé durante ne’e tau matan husu ba Prezidente Repúblika Francisco Guterres Lú Olo atu deskansa no provizoriamente labele hala’o viajen. Nune’e, Xefe Estadu adia nia vizita ba Manufahi iha loron Segunda (16/08/2021).

ADVERTISEMENT
SCROLL FILA BA NOTISIA


Fonte kredivel Timor Post konfirma Lú Olo isin manas no médiku sira halo mos teste kona-ba moras daet COVID-19 maske vasina ona doze daruak.

Lee Mós :
Ema Harahun Janela Kapela no Sunu Uma Laku Kruz Joven iha Suku Mindelo

Entretantu Xefe Uma Sivíl Prezidénsia Repúblika, Francsico Maria Vasconselhos hatete, Prezidente Repúblika isin manas uitoan.

“Prezidente Repúblika (PR) la kansela ninia viajen maibé sei adia fila-fali,” Francisco informa bainhira ho ekipa avansadu to’o uluk iha Same.

Nia hatutan, planu vizita ba Manufahi feitu ona no preparasaun durante fulan haat.

“Maibé infelismente iha Sexta ne’e prezidente Repúblika sente isin manas oitoan maibé ohin dadersan ha’u atu sai prezidente hakarak mai maibé médiku mak rekomenda katak temporariamente lalikan halo viajen,” Francisco haktuir.

Lee Mós :
Rai Monu Iha Merbuti Halo Kanu Bee Liga ba Same Villa Kotu

Maske Prezidente Repúblika adia nia vitiza maibé hato’o hela mensajen agradesimentu no husu deskulpa ba povu Manufahi tanba halo ona preparasaun.

“Prezidente laiha intensaun atu adia vizita iha dalan klaran tanba prezidente repúblika rasik hatene komunidade sira ninia preparasaun atu hodi simu ninia vizita,” Francisco subliña.

Lee Mós :
Luis Marçal Okupa Prezidente Autoridade Manufahi

Maske nune’e, Xefe Uma Sivíl ne’e hatete, sei iha duni vizita husi Prezidente Repúblika ba Munisípiu Manufahi no Ainaro iha tinan ida ne’e nia laran.

 663 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Médiku husu Lu Olo Deskansa no Adia Vizita Manu…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No