DILI (timorpost.com) – Eis Ministru Interior, Longuinhos Monteiro, aban submete ona ba iha Tribunál Distritál Dili (TDD), hodi halo primeiru interogatóriu dahuluk.
Eis Ministru Interior, Longuinhos Monteiro, agora iha sela detensaun PSIK Kaikoli, durante oras 72 tanba Eis Ministru Longuinhos Monteiro, faktus komprova duni asegura arma illegál iha nia rezidénsia.
Tuir fontes hosi pessoál PSIK ne’ebé lakohi temi nia naran, informa eis Ministru Interior, Longuinhos Monteiro, horisehik iha loron Segunda (16/01) PSIK detein iha sela detensaun PSIK.
Tanba ne’e, faktus kona-ba kazu eis Ministru Interior, Longunhos Monteiro, submete ona ba iha Ministériu Públiku hotu ona iha loraik ne’e.
Nune’e Ministru Interior Longuinhos Monteiro, sei submete ba Interogatóriu Dahuluk iha Tribunál Distritál Dili (TDD), tuku 9:00, Kuarta (18/01).
Entretantu iha Segunda (16/1) dadeer, ekipa konjunta kompostu hosi Polísia Sientifika Investigasaun Kriminál (PSIK), Serbisu Informasaun Polísia (SIP), Servisu Informasaun FALINTIL-Forsa Defeza Timor-Leste no Servisu Nasionál Intelijénsia (SNI), halo kedan apreensaun buska domisiliáriu ba iha Eis Komandante Jerál Polisia Nasionál Timor-Leste (PNTL), Komisáriu Longuinhos Monteiro, iha nia rezidénsia iha área Loes, Postu Administrativu Maubara, Munisípiu Likisá, tanba ekipa konjunta detata Eis Komisáriu PNTL ne’e asegura hela sasán hanesan kilat boot tolu, pistola ida, rama automátika ho monisaun ba kilat J3, M16 no pistola glock19.
3,171 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Aban, Longuinhos Monteiro Submete ba Iha Tribunál Distritál Dili](https://timorpost.com/wp-content/uploads/2023/01/PSX_20230117_205217.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)