DILI- Sekretaria Estadu ba Protesaun Sivíl (SEPS) identifika katak munisípiu haat (4) mak sei hetan dezastre naturais hosi udan boot.
Sekretáriu Estadu ba Protesaun Sivíl, Domingos Mariano Reis, informa katak munisípiu sira ne’ebé sai risku liu mak Dili, Manufahi, Kovalima no Bobonaru.
“Munisípiu hirak ne’e bazeia ba mapamentu katak sei hetan risku dezastre naturais,” revela Domingos Mariano ba Timor Post, iha PN, Kinta (14/12).
Segundu governante ne’e, iha Dili, udan ho intensidade maka’as provoka komunidade iha suku Kamea, Postu Administrativu Kristu Rei, uma kain 15 mak afetadu. Ekipa Bombeiru to’o kedas iha fatin hodi evakua komunidade sira hosi fatin risku ba fatin seguru.
“Seidauk tama iha kategoria grave, maibé nafatin atensaun, tanba udan ida agora nia provoka munisípiu haat mak hetan ameasa atu sofre dezastre naturais,” nia hatete.
Tuir sekretáriu Estadu, komunidade ne’ebé afetadu hosi dezastre ne’e, tanba uma rabat malu ho valeta ladún di’ak laiha espasu bee atu liu.
Tanba ne’e alerta ba komunidade iha territóriu nasionál atu nafatin halo jestaun lixu iha uma hun sira, hare valeta ne’ebé ladún di’ak hamoos, nune’e mós apela inan aman atu kuidadu oan sira labele besik iha mota ninin no ai hun boot sira.
948 total views, 3 views today
Bele hare Video Seluk :
Subscribe to Timorpost
