MANUFAHI(Timorpost.com)— Ministeriu Obras Públiku (MOP) hamutuk ho Kompañia Internasional Xina Nuklear Industria hala’o lansamentu fatuk dahuluk ba reabilitasaun estrada ligasaun Wedauberek, suku Mahaquidan ba Postu Alas, Munisípiu Manufahi.
Ministru Obras Públiku (MOP), Samuel Marsal, hatete antes ne’e mai hasoru komunidade Alas no sira hato’o preokupasaun ho ejiziensia sira kona-ba kondisaun estrada tanba bainhira tempu udan susar tebes ba komunidade sira atu lori sira nia produtu hodi asesu ba merkaduria iha tempu udan.
“Ne’e duni plaka ha’u asina tiha ona iha semana kotuk no ohin mak tau de’it fatuk dahuluk nune’e kompañia bele mobiliza matérial ekipamentu pekadu mai hala’o serbisu”dehan Ministru MOP iha Alas, Sexta ne’e.
Nia dehan, estrada ne’e ho kilometru 23 ho totál orsamentu 13.8 millioes no durasaun serbisu durante tinan ida fulan 8.
Portantu estrada ne’e tenderizasun internasionál ne’e duni iha kompañia barak mak ba compete maibé kompañia Xina Nuklear mak manán.
“Ho ida ne’e apela ba komunidade sira iha postu Alas tenki kolabora hodi labele halo impedementu, ne’e duni tenki agardese tanba ita boot sira mak hetan oportunidade dahuluk iha tinan ida ne’e”nia apela.
Fatin hanesan administrador Postu Administrativu Alas, Aquelino da Costa Fernandes Coelho hato’o agradese ba governu da-sia ne’ebé responde ba povu nia ejiziensia hodi ohin marka istória foun ida iha rai Alas.
“Ida ne’e la’ós mega projeitu maibé ida ne’e hanesan milagre boot ida ne’ebé maromak haraik mai ita povu Alas liu husi sua excelensia MOP”dehan administrador postu Alas.
Ho milagre boot ne’e, Aquelino husu ba povu Alas atu simu ho fuan boot, tanba kompleta tinan 24 Timor-Leste independensia ohin ita bele hetan ida ne’e.
Molok hakotu, Administrador postu Alas husik hela knanauk ida katak, husu hotu-hotu atu hamutuk no nia dehan, Mai ita serbisu hamutuk “Ho malu bele, mesak labele, mesak foti labele, rai labele”nia hakotu.
657 total views, 21 views today
Bele hare Video Seluk :
Subscribe to Timorpost
