DILI, (Timorpost.com)—Domingas Afonso Amaral simu knar nu’udar Diretóra Ezekutivu ba organizasaun Fokupers ba mandatu tinan lima atu tau matan no fo assitensia ba feto no labarik sira ne’ebé sai vitima ba violénsia bazeia ba jeneiru.
Atual Diretora Ezekutiva Fokupers, Domingas Afonso Amaral, sente hanesan previleizu ida, tanba hetan konfiasa husi fundador Fokupers nian, sira ne’ebe hahu inisia hari ka funda ona organizasaun ida ne’e, ho sira nia ideia briliante ate agora Fokupers kontinu eziste 27, ida ne’e la’os buat ida fasil.
“Ha’u kontente bele hola parte iha ne’e, hodi bele lori Fokupers nia naran ba oin, liu-liu sai diak liu tan, no liu-liu oinsa atu Fokupers kontinua fornese nian asistensia, ida ne’ebe integradu ba feto no labarik feto vitima violensia bazeia ba jeneiru.Tanba ida nee maka fuan husi Fokupers nian misaun,”dehan atual Diretóra Fokupers Domingas ba Jornalista sira iha Faról Sesta (14/06).
Nia dehan, Fokupers nafatin kontinua ho nian intervensia sira, liu-husi fornese asisténsia intergradu ba feto no labarik feto sira, ne’e hanesan fuan husi programas Fokupers nian, Fokupers kontinua halo advokasia.
“Advokasia ne’ebe Fokupers halo maka, oinsa atu dere ukun nain sira nia laran, atu aproxima sira, oinsa sira bele iha alokasaun osamentu neebe sensivel ba feto no labarik feto nian nesesidade. Tanba ne’e ami nia esperansa sei kontinua nafatin servisu ne’ebe mak durante terasa ona hahu husi planu estratéjiku Fokupers nia trasa ona,”. Hakotu.
375 total views, 3 views today
Bele hare Video Seluk :
Subscribe to Timorpost
