DILI, ( Timorpost.com)—Ministeriu Interior (MI), sei orienta Polisia Nasional Timor-Leste (PNTL), atu buka tuir autor ne’ebe sai intelejen Filipina nian, hodi fo sai imajen Fujitivu Arnolfo Teves Jr iha Televizaun Filipina kona ba prosesu Audisaun iha Tribunal Supremeiu Justisa (TSJ).
Tuir Ministru Interior ( MI), Francisco da Costa Guterres, hatete liga ho oknum autoridade seguransa balun ne’ebe deskonfia espalla imajen Fujitivu Arnolfo Teves Jr nian ba iha Televizaun Filipina nian kona ba prosesu Audisaun iha Tribunal Supremeiu Justisa (TSJ) ne’e, MI simu ona informasaun kona ba ida ne’e.
“Ha’u sei orienta autoridade seguransa PNTL, atu buka tuir autor ne’ebe halo aktu ida ne’e, atu nune’e halo investigasaun ba nian, tanba ida ne’e la bele,” dehan Ministru Interior ( MI), Francisco da Costa Guterres ba jornalista sira hafoin hosoru malu ho Deputadu membru Komisaun B iha uma fukun Parlamentu Nasionál, Kinta (13/06).
Iha fatin hanesan, Deputadu membru Komisaun B, David Dias Ximenes ‘ Mandati’ hatete, liga oknum seguransa balun halo espalla imajen Fujitivu Arnolfo Teves Jr ba iha nasaun Filipina ne’e, kontra violasaun ba lei seguransa Nasional.
“Ita nia rai ne’e soberania, ida ne’e violasaun ba lei seguransa nasional, tuir lolos aktu ida ne’e la bele akontese,” dehan nian.
Tanba ne’e, membru Parlamentu Komisaun B, husu para intendimentu ho Filipina ne’e, se mak halo ida ne’e, tenke buka tuir se la’e ba futuru sei akontese nafatin.
906 total views, 30 views today
Bele hare Video Seluk :
Subscribe to Timorpost
