DILI (Timorpost.com)—Governu Australia servisu hamutuk ho Ministeriu Saude no Ministériu Edukasaun, UNICEF, DFAT, OMS, Diretor Saude sira husi munisípiu hotu-hotu, Prezidente Autoridade sira husi munisípiu munisipal, sosiedade sivíl sira, lider relijiozu sira no parseiru relevante sira hala’o lansamentu ba sorumutu advokasia nasionál dahuluk ba introdusaun vasina ba HPV iha Timor-Leste.
Reprezentante Organizasaun Mundiál Saúde (OMS) iha Timor-Leste, Arvind Mathur, hatete liu husi introdusaun vasina ba HPV (Papilomavirus Umanu) no hala’o kampaña “catch-up” ba labarik-feto sira ho idade tinan 11 to’o 14 iha Timor-Leste, ita bele fó impaktu signifikativu ba redusaun moras kankru serviks iha ita-nia komunidade.
“Kuaze kazu hotu-hotu kona-ba kankru serviks (99%) iha nivel globál liga ho HPV ne’ebé iha risku aas, virus komún ida-ne’ebé transmite liuhusi kontaktu seksuál. Kankru serviks nu’udar kauza boot ida ba mate ne’ebé kauza husi kankru entre feto sira iha nivel globál no iha Timor-Leste”. Dehan iha nota komunikadu ne’ebe TimorPost asesu, Kinta (13/06/2024).
Nia informa, Liu husi vasinasaun ba labarik-feto sedu, molok sira sai ativu no potensialmente iha espozisaun ba infesaun HPV, iha oportunidade atu hamenus signifikativamente sira-nia risku atu dezenvolve kankru serviks iha sira-nia moris.
“Importante tebes atu halo advokasia katak doze úniku husi vasina ba HPV oferese protesaun ne’ebé di’ak hasoru kankru serviks. Vasinasaun ba HPV sai hanesan parte ida husi aprosimasaun komprehensivu ida ba prevensaun no eliminasaun kankru serviks”. Hakotu.
495 total views, 9 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![MS Lansa Advokasia Dahuluk ba Introdusaun Vasina HPV](https://timorpost.com/wp-content/uploads/2024/06/LANSA-HPV.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)