DILI, (Timorpost.com)—Prezidente Repúblika (PR), Jose Ramos Horta hatete, situasaun ne’ebé akontese komunidade hulan inan feton ida ho kondisaun gravida ba postu saúde, Postu Administrativu Ossu, Munisípiu Vikeke hatudu katak setór saúde grave tebes.
“Situasaun iha setór saúde, grave tebes, Ita haree situasaun ne’ebe akontese iha Vikeke-Ossu ne’e, maibé Ministra Saúde bele esplika, tanba saida akontese, falta no menus iha saida no problema ne’e saida“dehan PR Horta ba jornalista sira iha Palacio Prezidensiál Bairru-Pite, Tersa (11/06).
Horta haktuir, lahatene planu Ministra Saúde nian iha tinan lima ne’e prioridade ba saida ita la hatene.
“Ita l hatene program saida, maibé atu dehan de’it katak keixa barak kona-ba problema saúde ne’ebé agora mosu oin-oin”. dehan nia.
Enkuantu iha loron (9/6/2024) akontese iha Suku Liaruka Postu Administrativu Ossu Munisípiu Vikeke komunidade sira hulan de’it inan feton ida ho kondisaun gravida ba Klínika Postu saúde Administrativu Ossu Vila.
603 total views, 6 views today
Bele hare Video Seluk :