DILI, (Timorpost.com)—Ministeriu Solidaridade Sosial no Inkluzaun (MSSI), servisu hamutuk ho Institutu Nasionál Seguransa Sosiál – (INSS), hala’o lansamentu ba kartaun Seguransa Sosial ba parseiru empregadu no trabalador sira ne’ebe durante ne’e kontribui ba Sistema Seguransa Sosial.
Ministra Solidaridade Sosial no Inluzaun (MSSI), Veronica das Dores, hatete objetivu hosi lansamentu ba kartaun Seguransa Sosial ne’e ba trabalador no empregadu sira ne’ebe kontribui iha seguransa Sosial bainhira tama idade reforma sira bele foti hodi garante sira nia futuru no hosi kartaun ne’e sira bele hatene monta husi direitu kontribuisaun ne’ebe durante ne’e sira kontribui iha Seguransa Sosial.
“Husi kartaun ne’e, kada traballador ne’ebe kontribui ba Seguransa Sosial hatene tuir sira nia direitu kontribuisaun ne’ebe durante ne’e sira kontribui iha Seguransa Sosial bainhira sira reforma sei hetan sira nia direitu ne’e”. Dehan Veronica das Dores ba jornalista sira iha Salaun MSSI, Sesta (07/06/2024).
Governante ne’e esplika, husi kartaun ne’ebe traballador no empregadu sira hetan hatudu katak sira nia direitu ne’e la lakon no tempu reforma sira bele asesu ba sira nia direitu.
“Kartaun ne’e kompostu husi naran no foto kada traballador no empregadu kontribuisaun sira, bainhira kartaun lakon atu halo foun presiza sira tenke selu”.
Entretantu, totál empregadu ne’ebé rejistu iha sistema seguransa sosial hamutuk 5.175 no tarabalador husi setor privadu hamutuk 69.326 ne’ebé durante ne’e kontribui sistema seguransa social.
Entidade empregadores husi setor privadu ne’ebé laiha ona duvidas kontribuisaun iha seguransa sosial hamutuk 186 empregadores.
“Ha’u atu hatete de’it katak, durante ne’e setor privadu sira hanesan empregadores no Trabalaldores ne’ebé kontribui ba seguransa sosial iha mudansa signifikante tebes iha tinan ne’e tanba referensia anterior husi tinan 2023 hetan kontribuisaun husi setor privadu hamutuk $14.411.230.00 no iha tinan 2024 husi Fulan Janeiru to’o Maiu, INSS konsege rekolha kontribuisaun ba seguransa sosial hamutuk $ 6.663.053.00”. Hakotu
1,284 total views, 30 views today
Bele hare Video Seluk :